जिल्लास्तरीय क्रिकेट : उपाधिको लागि रुपनी र खडक भिड्ने

राजबिराज । राजबिराजमा क्रिकेट विकास प्रतिष्ठान द्वारा संचालित जिल्लास्तरीय क्रिकेट प्रतियोगिताको उपाधिको लागि रुपनी राइडर्स र खडक बारियर्स भिड्ने भएको छ ।

सोमवार भएको खेलमा खडक वारियर्सले राजदेबी राईजिंगलाई ३९ रनले पराजित गर्दै फाइनलमा प्रवेश गरेको हो।
यस अघि रुपनी राईडर्स पनि प्रतियोगिताको फाइनलमा स्थान बनाई सकेको छ ।

क्रिकेट विकास प्रतिष्ठानका अध्यक्ष इन्जिनियर इन्द्र नारायण देवका अनुसार मङ्गलवार रूपनी राइडर्स र खडक वारियर्स बिच प्रतियोगिताको उपाधिको लागि भिडने बताए ।

सोमवार स्थानीय पविमाबि खेलमैदान भएको खेलमा टस जितेर खडकले १९ ओभर ३ बलमा सबै बिकेट गुमाई १ सय ४७ रनको योगफल खडा गरेका थिए । जसमा पप्पु यादब (बि) ३२ रन, अमित यादब ३१ रन, नितेश यादबले नटआउट १९ जोडेका थिए ।

बलिंग तर्फ बिजय यादब ३ बिकेट, अजय यादब र अमन यादबले समान २/२ बिकेट तथा नवीन मण्डल र वसन्त यादबले समान १/१ बिकेट लिएका थिए ।

प्रतिउतरमा राजदेबी राईजिंगले १ सय ४८ रनको लक्ष्यलाई पछयाउने क्रममा २० ओभरमा ९ बिकेट गुमाएर १ सय ८ रन मात्र बनाए पछि  खडक ३९ रनले जित हात पार्दै फाईनलमा प्रवेष गरेको हो । जसमा प्रियान्सु कर्ण २७ प्रवेष यादबले २४ रन, वसन्त यादब १९ रन बनाएका थिए ।

बलिंग तर्फ खडकका मोहम्मद सकिम ३ बिकेट तथा राहुल बिक र जितु यादब २र२ बिकेट र पप्पु यादबले १ बिकेट लिएका थिए । खेलको प्लेयर अफ दि म्याच पप्पु यादब (बी) घोषित भएका थिए ।