राजविराजमा एक युवकमाथि खुकुरी प्रहार

राजविराज । राजविराज नगरपालिका–८ पुलचोकमा आपसी वादविवादका क्रममा एक युवकमाथि खुकुरी प्रहार भएको छ ।

स्थानीय १८ वर्षीय सुमित मण्डलमाथि सोही स्थानका २२ वर्षीय मुकेश मण्डलले खुकुरी प्रहार गरेका हुन् ।

प्रहरीका अनुसार विवाद चर्किएपछि मुकेशले खुकुरी प्रहार गर्दा सुमितको टाउकोमा गम्भीर चोट लागेको छ । घाइते सुमितको गजेन्द्रनारायण सिंह अस्पताल, राजविराजमा उपचार भइरहेको छ ।

घटनापछि अभियुक्त मुकेश मण्डल फरार रहेको र उनको खोजी तीव्र पारिएको सप्तरी प्रहरीका प्रवक्ता तथा डीएसपी जितेन्द्र कुमार बस्नेतले जानकारी दिएका छन् । प्रहरीले घटनाको थप अनुसन्धान जारी राखेको जनाएको छ ।