राजविराजमा संरचना निर्माणले सार्वजनिक जग्गाको उपयोगमाथि बहस

राजविराज । राजविराज नगरपालिका–२ स्थित सार्वजनिक जमिनमा मुस्लिम समुदायका लागि प्रस्तावित स्थायी संरचना निर्माणको विषयले स्थानीय तहमा सार्वजनिक जग्गाको उपयोग र धार्मिक सहअस्तित्वबारे बहस सुरु गराएको छ ।

नगरपालिकाले पाँच लाख रुपैयाँ बजेट विनियोजन गरी मुस्लिम समुदायको धार्मिक गतिविधिका लागि संरचना बनाउने योजना अघि बढाएपछि त्यसप्रति केही समूहले आपत्ति जनाएका छन् । विश्व हिन्दु परिषद नेपालले सो स्थल लामो समयदेखि खेलमैदानका रूपमा प्रयोग हुँदै आएको र सबै समुदायले उपयोग गर्दै आएको दाबी गर्दै संरचना निर्माण रोक्न माग गरेको छ ।

विवाद सार्वजनिक जमिनको उपयोगको मोडालिटी, प्राथमिकता र सहमति बिना गरिने विकास योजनाले धार्मिक सद्भावमा असर गर्नसक्ने विषयमा केन्द्रित हुँदै गएको देखिन्छ । परिषदले सर्वदलीय बैठकको निर्णय उल्लंघन भएको भन्दै प्रशासनलाई ज्ञापनपत्र बुझाएको छ ।

राजबिराज वडा २ स्थित गुलाव ग्यारेज अगाडि काे नगर कै सार्वजनिक जग्गा अतिक्रमण गरेर बनाईरहेकाे संरचना, असार २० गते संरचना हटाउन प्रमुख जिल्ला अधिकारीकाे राेहबरमा निर्णय गरिएपनि हाल सम्म उक्त संरचना प्रशासनले हटाउन सकेकाे छैन, स्थानियवासीहरूकाे भनाई छ ।

निर्णय काे कार्यनन्वयन हुन नसक्दा मुस्लिम समुदाय र हिन्दु समुदाय बिच साम्प्रदायिक हुने सम्भावना बढन सक्ने स्थानियहरूकाे भनाई छ ।

स्थानीय स्रोत व्यवस्थापन, सार्वजनिक जग्गाको संरक्षण, र धार्मिक समुदायबीचको सन्तुलन कायम राख्न अब सबै पक्षले संयमता र संवादमार्फत समाधान खोज्नु अपरिहार्य देखिन्छ ।