चन्दन यादब 
राजविराज । गजेन्द्र नारायण सिंह अस्पताल राजविराजका मेडिकल सुपरिन्टेन्डेन्ट (मेसु) डा. प्रकाश प्रसाद शाहको मोबाइल फोन प्रायः स्विच अफ रहने गरेको गुनासो सेवाग्राही र अस्पतालमा आउने सर्वसाधारणबाट व्यापक रूपमा उठ्न थालेको छ ।
विरामीको आपतकालीन अवस्था, अस्पताल सेवा समन्वय र जनगुनासोका लागि प्रमुख पदाधिकारीको पहुँचमा रहनु अनिवार्य मानिन्छ । तर, पटक–पटक फोन बन्द हुने अवस्था देखिँदा अस्पतालको सेवा प्रणालीमै प्रश्न उठेको छ ।
“मेसु ज्यूको फोन कहिल्यै उठ्दैन, कहिले स्विच अफ हुन्छ । विरामी परेको बेला अस्पताल आइन्छ, तर यहाँ झन् समस्या झेल्नुपर्छ । ओपीडी खुले पनि डाक्टर हुँदैनन् । यस्तो अवस्थामा तत्काल खबर दिनुपर्ने बेला हामी कसरी सम्पर्क गर्ने ?” एक बिरामीका आफन्तले गुनासो गरे ।
अस्पताल प्रशासनले यस विषयमा कुनै प्रतिक्रिया दिन चाहदैन । तर, जिम्मेवार पदमा बसेको व्यक्तिको फोन सर्वसुलभ र सधैं सक्रिय रहनु पर्ने भन्दै स्थानीयले तत्काल सुधारको माग गरेका छन् ।
यही विषयमा सामाजिक सञ्जालमा पनि आलोचना चर्किन थालेको छ । कतिपयले सार्वजनिक पदधारीको यस्तो गैरजिम्मेवारीपूर्ण व्यवहारप्रति गम्भीर प्रश्न उठाएका छन् ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |