बिरेन्द्र झा र करुणा राईको स्वरमा ‘छोड्नु थियो छोडी गयौ’ सार्वजनिक

राजविराज । बिरेन्द्र झा र करुणा राईको सुमधुर स्वरमा रहेको नेपाली गीत ‘छोड्नु थियो छोडी गयौ’ सार्वजनिक गरिएको छ । माया, विछोड र भावनात्मक चोटको कथा बोकेको यस गीतलाई राज सङ्घर्षले लेखेका हुन् भने हारुन रसीदले संगीत भरेका छन् ।

गीतको भिडियो निर्देशन सन्तोष सरकारले गरेका छन् भने सप्तरीका आकाशराज भण्डारीले निर्माण गरेका हुन् । गीतमा दिनेश कोइराला, सुस्मिता पाण्डे, आरजी भिलेन, होम्पी र प्रतापको अभिनय देख्न सकिन्छ । भिडियो सम्पादन पवनले गरेका हुन् ।

प्रेममा धोका र आत्मिक पीडाको गहिरो अनुभूति दिलाउने यो भावपूर्ण गीतले अहिले सामाजिक सञ्जालमा दर्शकस्रोताको ध्यान तानेको छ ।