चन्दन यादब 
राजविराज । जनता समाजवादी पार्टी नेपाल सप्तरीको अध्यक्षमा केदार प्रसाद यादव र उमेश प्रसाद यादवले उम्मेदवारी दर्ता गराएका छन् ।
राजविराज स्थित पार्टी कार्यालयमा शनिबार जिल्ला निर्वाचन समितिमा छुट्टाछुट्टै प्यानलसहित उनीहरुले उम्मेदवारी दर्ता गराएका हुन् ।
निर्वाचन कार्यतालिका अनुसार विहान ८ बजेदेखी सुरु भएको मनोनयन दर्ता बमोजिम अध्यक्ष उम्मेदवार उमेश प्रसाद यादवले विहान ०९ : ५७ बजे उम्मेदवारी दर्ता गरे भने अर्का अध्यक्षका उम्मेदवार केदारप्रसाद यादवले विहान ०९ : २१ बजे उम्मेदवारी दर्ता गराए ।
केदार यसअघि समेत पार्टी जिल्ला अध्यक्ष थिए भने उमेश उपाध्यक्ष थिए ।
केदारको प्यानलबाट उपाध्यक्षमा लक्ष्मण यादव, उषा साह,सचिब शम्भु कुमार यादव, उपसचिवमा रिता कुमारी चौधरी, रामेश्वर कौडगिया र कोषाध्यक्ष अर्मेन्द्र कुमार यादव (अर्विन) छन् ।
यसैगरी उमेश प्यानलबाट उपाध्यक्ष हरेराम यादव, राजेश्वर राय, सचिबमा निरज मुक्ति, उपसचिवमा दाउद हुसैन, राहुल मण्डल र कोषाध्यक्षमा अभिनभ यादव ( निकु) रहेका छन् ।
सात पदाधिकारी खुल्ला, २५ भुगोल र समाबेशी २५ गरि ५० सदस्य जिल्ला समिति चयनका लागि साउन १८ गते विहान ८ बजेदेखि १ बजेसम्म मतदान हुने जनाइएको छ ।
जिल्ला नेतृत्व चयनका लागि विभिन्न पालिका र भातृसंगठन गरि १ सय १५ जनाले मतदान गर्ने निबर्तमान जिल्ला अध्यक्ष केदार प्रसाद यादवले जानकारी दिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |