रौतहटमा सुटकेशभित्र महिलाको शव फेला

रौतहट । रौतहटको गौर–सिरसिया सडकखण्ड अन्तर्गत मुडवलबा मोड नजिक शनिबार राति महिलाको शव फेला परेको छ ।

जिल्ला प्रहरी कार्यालय रौतहटका अनुसार राति करिब १०:३० बजे स्थानीयले संकास्पद सुटकेश देखेपछि प्रहरीलाई खबर गरेका थिए । प्रहरीले घटनास्थलमा पुगेपछि रस्सीले बाँधिएको अवस्थामा रहेको सो सुटकेश खोलेर हेर्दा भित्र महिलाको शव फेला परेको हो ।

प्रहरीले शवको सनाखत अझै नभएको र प्रारम्भिक अनुमानमा हत्या गरी सुटकेशमा हालिएको हुन सक्ने आशंका गरिएको जनाएको छ ।