याडिया इलेक्ट्रिक स्कुटर राजबिराजमा विशेष अफरसहित सार्वजनिक

राजविराज । विश्वकै नम्बर १ इलेक्ट्रिक दुई पाङ्ग्रे सवारी साधनको रूपमा चिनिने चीनको ब्रान्ड याडिया ले बढ्दो पेट्रोल मूल्य, प्रदूषण र ट्राफिक समस्याबीच इलेक्ट्रिक सवारीको आवश्यकता बढ्दो क्रममा विशेष अफरसहित नयाँ स्कुटर सार्वजनिक गरेको छ ।

आइतवार खान इन्टरनेशनल राजविराजले गजेन्द्र चौकस्थित नयाँ सोरुमको उद्घाटन गर्दै पत्रकार सम्मेलनमार्फत दशैं विशेष अफरसहित बिजुली स्कुटर बजारमा ल्याएको हो ।

चीनको अग्रणी याडिया स्कुटर भरपर्दो, स्टाइलिश, वातावरणमैत्री, लामो ब्याट्री लाइफ, स्मार्ट टेक्नोलोजी, मोबाइल एप कनेक्टिभिटी, जीपीएस र आधुनिक डिजाइनसहित उपलब्ध भएको कम्पनीले जनाएको छ ।

एकपटक चार्ज गर्दा १५० किलोमिटरसम्म माइलेज दिने यी स्कुटरले प्रदूषणरहित र आवाजविहीन शतप्रतिशत हरित ऊर्जा प्रयोग गर्ने जानकारी खान इन्टरनेशनल राजबिराजका प्रोप्राइटर अनस खानले दिए ।

बिजुली स्कुटरको मूल्य ९९ हजारदेखि २ लाख ८५ हजार रुपैयाँसम्म निर्धारण गरिएको छ भने दशैं अफरअन्तर्गत ५ हजारदेखि ५० हजार रुपैयाँसम्म छुट दिइने कम्पनीले जनाएको छ ।

कम्पनीका अनुसार यी स्मार्ट फिचरयुक्त स्कुटरले दैनिक जीवनलाई सहज बनाउन सहयोग गर्नेछ र नेपाली प्रयोगकर्तालाई सहरी मोबिलिटीको नयाँ अनुभव प्रदान गर्नेछ । व्यस्त जीवनशैली अपनाउने तथा छिटो चार्जिङ आवश्यक पर्ने प्रयोगकर्ताका लागि फास्ट चार्जिङ मोडेल समेत उपलब्ध गरिएको छ ।

उक्त अवसरमा नेपाल पत्रकार महासंघका केन्द्रीय सदस्य राजु विक, शाखा सप्तरीका अध्यक्ष श्रवण देव, पूर्व अध्यक्ष धिरेन्द्र प्रसाद साह, उपाध्यक्ष रामनारायण विश्वास लगायत सञ्चारकर्मीहरूको उपस्थिति रहेको थियो ।