प्रथम राष्ट्रिय आमन्त्रण महिला कबडी प्रतियाेगिताकाे उपााधी धनुषा काे कब्जामा

राजबिराज । राजबिराज नगरपालिकामा संचालित प्रथम राष्ट्रिय आमन्त्रण महिला कबडी प्रतियोगिता को उपाधी धनुषा ले जित हात पारेको छ।

बुधवार राजबिराज वडा ९ स्थित राधाकृष्ण मन्दिरको प्रागणमा आयोजित फाईनल खेलमा धनुषा ले झापा लाई १७ अंक ले पराजित गर्दै उपाधी हात पारेको हो।

उक्त अवसरमा राजबिराज नगरपालिका नगर प्रमुख भिमराज यादब ले बिजेता र उपबिजेता टिम लाई शिल्ड, कप,मेडल सहित नगद ५१ हजार रूपैया पुरस्कार प्रदान गरेका थिए।

सो अवसरमा नगर प्रमुख यादब ले खेलकुदको माध्यमवाट राष्ट्रिय तथा अन्तराष्ट्रिय स्तर मा पहिचान बनाउने भएकोले कबडी खेलको संरक्षण गर्नुपर्नेमा जोड दिए।

जिल्ला कबडी सँघ का अध्यक्ष धिरेन्द्र बर्माको अध्यक्षतामा आयोजित खेलको समापन कार्यक्रममा आयोजनामा राजबिराज वडा ३ का अध्यक्ष अनिल कुमार दास, केन्द्रीय कबडी सँघ का सचिव रतिया राजबंशी, उपाध्यक्ष शुभ प्रसाद चौधरी, समाजसेवी प्रभाकर सिँह, पत्रकार मनोज माझी, चन्दन कुमार यादब लगायतको उपस्थिति रहेको थियो।

असार २० गते देखि संचालन भएको प्रतियोगितामा सप्तरी, धनुषा, झापा, उदयपुर, सुनसरी, मोरंग गरी ६ टिमको सहभागिता रहेको थियो।