सिंहदरबारले मात्र मल खरिद गर्न सक्ने नीतिका कारण किसानलाई मल उपलब्ध गराउन कठिनाई भयाे- मन्त्री यादब

राजबिराज । मधेश प्रदेशका भूमी व्यबस्था कृषि तथा सहकारी मन्त्री विजय कुमार यादवले सिंहदरवारकाे मात्र मल खरिद गर्न सक्ने नितिका कारण किसानलाई मल उपलब्ध गराउन कठिनाई भएको बताएका छन।

कृषि ज्ञानकेन्द्र सप्तरीद्वारा राजविराजमा बुधबार आयोजित अन्तरक्रिया कार्यक्रममा बोल्दै भने राज्यको त्रुटिपूर्ण नीतिका कारण मलको समस्या समाधानमा कठिनाई भएको हो । कार्यक्रममा बोल्दै मन्त्री यादवले मलको समस्या देशभरका किसानलाई भएपनि चाहेर पनि समाधान गर्न नसकिएको बताउदै भने नीतिगत त्रुटिका कारण मल अभावको सम्बोधन गर्न सकिएको छैन । मन्त्री यादवले भने, मधेश सरकारले मल खरिद गर्न चाहेर पनि कानुनले रोकेको छ ।

ग्लोबल टेन्डरबाट सिंहदरबारले मात्र मल खरिद गर्न सक्ने नीतिका कारण किसानलाई मल उपलब्ध गराउन कठिनाई भएको उनले बताए । उनले किसानहरूलाई खेतीको समयमा मल अभावको समस्या सम्बोधन गर्न मधेश प्रदेश सहितका ७ वटै प्रदेश सरकार र ७ सय ५३ स्थानीय सरकारले सिंहदरबारको ध्यानाकर्षण गराएको बताए । उनले किसानलाई सहजरूपमा मलको आपूर्तिका लागि प्रदेश तथा स्थानीय सरकारले मल खरिद गर्न सक्ने किसिमले कानुन परिमार्जन गर्नुपर्नेमा जोड दिए । मल कारखाना खोल्न सक्ने क्षमता नेपाल सरकारको नभएको बताउँदै किसानले भोगेको मलखाधको समस्या समाधानमा आ–आफ्नो क्षेत्रबाट सम्मान दृष्टिकोण बनाउनुपर्नेमा आबश्यकता औंलाए ।

मन्त्री यादवले कृषिप्रधान देश भन्ने र कृषि क्षेत्रमा न्यून बजेट बिनियोजन गर्ने परिपाटीले कृषि क्षेत्रको अपेक्षित विकास हुन नसकेको स्पष्ट पारे । कार्यक्रममा कृषि ज्ञानकेन्द्र सप्तरीका प्रमुख राजेन्द्रप्रसाद यादवले जिल्लामा भएको मलखाद, बिऊ, सिंचाई, कर्मचारी अभावको बारेमा मन्त्री यादब लाई जानकारी गराएका थिए भने भौतिक पूर्वाधार तथा किसानहरुको समस्याबारे प्रतिबेदन प्रस्तुत गरेका थिए ।

प्रस्तुत प्रतिबेदनमा ब्याबसायिक कृषि खेती तथा कृषिमा गरिएको यात्रीकीकरणको अबस्था र उपलब्धिबारे उल्लेख गरिएको थियो । कार्यक्रममा राष्ट्रिय भूमी आयोग सप्तरीका अध्यक्ष हरेराम यादव, राष्ट्रिय कृषक समुह महासंघ मधेश प्रदेशका सहसचिव भुपेन्द्र यादव, जिल्ला अध्यक्ष सुखीलाल यादव, जसपा यूवा नेता लक्ष्मण यादवलगायतले किसानले वर्तमान अबस्थामा भोगेका समस्याबारे मन्त्री यादवको ध्यानाकर्षण गराएका थिए ।