करुणा झा 
सप्तरी ,१३ भदौ । सप्तरीमा सशस्त्र प्रहरीले अवैध मदिरा सहित विभिन्न सामानहरू पक्राउ गरेको छ। सप्तरीको सुरुङ्गा नगरपालिका वडा नम्बर ५ बाट २०० लिटर अवैध मदिरा र राजगढ गाउपालिका वडा नम्बर २ बाट १०६ प्याकेट राजनिवास नियन्त्रणमा लिएको छ ।
सशस्त्र प्रहरी बल नेपाल सुरक्षा वेश कडरबोना बाट खटिएको टेलीले गाइघाट कदमाहा सडक खण्ड अन्तरगत सुरुङ्गा नगरपालिका वडा नम्बर ५ स्थित एक घरमा शङ्का लाग्दा चेकजाँच गरि अवैध मदिरा नियन्त्रणमा लिइ स्थानीय वडाअध्यक्ष दिलाराम चौधरी सहित भद्रभलादमीको उपस्थितिमा नष्ट गरिएको सशस्त्र प्रहरी बल नेपाल ६ नम्बर गणका गणपति एव सशस्त्र प्रहरी उपरीक्षक प्रदिप खड्काले जानकारी दिएको छ ।
यस्तै सप्तरीको राजगढ गाउपालिका वडा नम्बर २ स्थित बनैनिया बाट लगभग २५ हजार मूल्य बराबरको अवैध राजनिवास बरामद गरेको छ । बिओपि बनैनियाँका सशस्त्र प्रहरी निरीक्षक तुलसी राम कार्कीको कमान्डमा खटिएको टेलीले सो अवैध राजनिवास बरामद गरिएको जनाएको छ ।
भारतबाट अवैध रुपमा नेपालतर्फ भन्सार छली गरी ल्याउँदै गरेको अवस्थामा १०६ प्याकेट राजनिवास बरामद गरिएको सशस्त्र प्रहरीले जनाएको छ । बरामद गरिएका अवैध समानलाई आवश्यक अनुसन्धानको लागि राजविराज भन्सार कार्यालय तिलाठीमा बुझाइएको तथा तस्करको खोजी कार्य तिव्र रुपमा भइरहेको सशस्त्र प्रहरी बल नेपाल ६ नम्बर गणले जनाएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |