पुर्व अध्यक्ष भट्टराईको १३ औं दिनको पुण्यतिथिमा श्रद्धाञ्जली सभा

राजबिराज,२९ मंसिर । नेपाल पत्रकार महासंघ सप्तरीका संस्थापक अध्यक्ष शिवहरी भट्टराईको १३ औं दिनको पुण्यतिथिको अवसरमा श्रद्धाञ्जली सभाको आयोजना गरिएको छ । 

नेपाल पत्रकार महासंघ सप्तरीद्वारा राजविराजस्थित महासंघको सभाहलमा बिहीबार श्रद्धाञ्जली सभा आयोजना गरेको हो । 

नेपाल पत्रकार महासंघ सप्तरीका अध्यक्ष श्रवण कुमार देवको अध्यक्षतामा आयोजित कार्यक्रममा आम संचार प्राधिकरण मधेश प्रदेशका अध्यक्ष श्यामसुन्दर यादव, नेपाल पत्रकार महासंघका केन्द्रिय सदस्य एवम् मिडिया काउन्सिल मधेश प्रदेशका सदस्य रिंकु मिश्रा गायत्री, केन्द्रिय सदस्य ललिता साह, पूर्व केन्द्रिय सदस्य अवधेश कुमार झा, लेखक तथा पत्रकार रामरिझन यादव, सप्तरी शाखाका पूर्व अध्यक्ष हरु विष्णु कुमार मण्डल, मुरली प्रसाद यादव, जितेन्द्र खड्गा, सर्लाही शाखा अध्यक्ष टंक क्षेत्री लगायतकाले पत्रकार भट्टराईले गरेको योगदानको बारे चर्चा गरे । 

यसैगरी वरिष्ठ पत्रकार अनिल कुमार अनल, गणेशलाल देव, प्रेस मञ्च सप्तरीका अध्यक्ष बृजमान तामाङ, प्रेस सेन्टर सप्तरीका अध्यक्ष दिनानाथ यादव, प्रेस युनियन सप्तरीका कार्यवाहक अध्यक्ष विनयलाल कर्ण लगायतले समेत मन्तव्य व्यक्त गर्दै श्रद्धाञ्जली अर्पण गरे । 

नेपाल पत्रकार महासंघ सप्तरीका सचिव रामनारायण विश्वासद्वारा संचालित कार्यक्रममा पत्रकार भट्टराईको जिवनी बारे सप्तरी शाखाका पूर्व अध्यक्ष एवम् प्रेस स्वतन्त्र सेनानी बैधनाथ झाले चर्चा गरेका थिए।