सप्तरीमा १ लाख भन्दा बढी दलित समुदायको मतदाता नामावलीमा नाम दर्ता गराउन छुटे

राजबिराज,  २६ माघ । दलित सरोकार मंचका कार्यकारी निर्देशक भोला पासवानले सप्तरीमा १ लाख भन्दा बढी दलित, विपन्न परिवारका सदस्यहरूको मतदाता नामावलीमा नाम दर्ता गर्न छुटेको बताएका छन् । 

बिहीवार अग्नीसाईर कृष्णासवरण गाउपालिका स्थित जण्डोलमा आयोजित मतदाता नामावलीमा महिला, दलित, लगायत सीमान्तकृत समुदायको पहुँचमा रहेको अवरोध बारे पत्रकार सम्मेलनमा सो कुरा बताएको हो । 

उनले भने हालै प्रतिनिधि र प्रदेश सभा र स्थानीय तहको निर्वाचनमा महिला, दलित, गरिब समुदाय, सीमान्तकृत समुदायको मतदाता नामावलीमा नाम दर्तामा पहुँच नपुगेको बताए । निर्देशक पासवानले मधेश प्रदेशको १ सय ३६ पालिकामा दलित वडा सदस्यहरूको अगुवाइमा मतदाता नामावली दर्ता सम्बन्धमा अभियान संचालन गरी निर्वाचन आयोगलाई जानकारी गराउने कार्यक्रम रहेको छ । 

निर्वाचन आयोगले ०७९ माघ २ गते देखि स्थगित मतदाता नामावली संकलन तथा अध्याबधिक कार्य सुरु गरी ७७ वटै निर्वाचन कार्यालयबाट मतदाता नामावली अनलाईन९ प्रि ईनरोलमेन्ट प्रणाली० वाट गरिएको छ । अध्यक्ष अध्यक्ष पासवानले अनलाइन प्रणालीमा गरिव, दलित, महिला, सीमान्तकृत समुदायको पहुँच नभएकोले मतदाता नामावली संकलन कार्य प्रभावकारी नहुने बताए । 

मधेश प्रदेशमा ७० प्रतिशत मुसहर समुदायको मतदाता नामावलीमा नाम दर्ता गर्न छुटेकोले अनलाइन प्रणालीबाट सम्भव नहुने भएकोले वर्षमा एकचोटी वडास्तरमै मतदाता संकलन कार्यलाई संचालन गर्नुपर्ने बताए । निर्वाचन कार्यालयमा हप्ता सम्म सर्वसाधारणहरूले फोटो खिचाउन पालो कुर्नुपर्ने बाध्यता कारण र पहुँचवालाहरूको आधारमा नाम दर्ता गर्न काम हुने गरेकोले दलित, महिलाहरूको नाम संकलन गर्न छुटने गरेको निर्देशक पासवानले बताए । 

उनले भने स्थानीय तहको निर्वाचन पश्चात् बितेको असार १ गते देखि पुनः निर्वाचन कार्यालय र इलाका प्रशासन मार्फत नामावली संकलन गरिएपनि त्यही समयमा खेतीपातीको काम सुरु भएकोले महिला र गरिब, दलितहरू खेतीपातीका लागेको कारण पुनः बञ्चित भएको छ । 

सो अवसरमा नेपाल पत्रकार महासंघ सप्तरी अध्यक्ष श्रवण देव, सचिव रामनारायण बिश्वास, कोषाध्यक्ष नवीन गुप्ता, संचारकर्मि मनोज माझी, चन्दनकुमार यादब, बिदियानन्द राम, परिष कर्ण, दलित सरोकार मंचका संयोजक राजकुमार पासवान लगायतको उपस्थिति रहेको थियो ।

यसैगरी आजै दलित सरोकार मंच सप्तरीले दलित सशक्तीकरण ऐेन  २०७६ कार्यान्वयनको अवस्था आगामी दिनमा कार्यपालिका सदस्यहरूको भूमिका विषयक जिल्लास्तरीय अन्तरक्रिया कार्यक्रमको आयोजना गरिएको छ । सो अन्तरक्रिया पश्चात्  जिल्लाको १८ पालिकाको कार्यपालिका सदस्यहरूको आम भेलाले दलित सन्जाल जिल्ला स्तरिय समिति गठन गरिएको छ । 

गठित समितिको संयोजकमा असोक कुमार राम, सहसंयोजक राजेन्द्र बिश्वकर्मा, सचिवमा धिरेन्द्र राम सहसचिवमा शोभा पासवान र कोषाध्यक्षमा सोनी रजकलाई चयन गरिएको छ । त्यस्तै सदस्यहरूमा उदय शंकर बिश्वकर्मा, चन्द्रिका देवी खंग, अनारदेवी पासवान, शिवशंकर राम, सीता देवी खत्वे, रेणु देवी बिश्वकर्मा, रामभगत राम, सिंहेश्वर मण्डल, नितु कुमारी खंग, जानकी देवी राम, उतिमलाल मण्डल, राधेश्याम राम, गौरीशंकर मण्डललाई चयन गरिएको हो । 

यसैगरी समितिको सल्लाहाकारमा जयराम खंग, हरेराम मण्डल, राजेन्द्र प्रसाद सदा रहेको छ ।  गठित समितिले दलित अधिकार सम्बन्धी जिल्लाभरका १८ स्थानीय तहमा कार्य संचालन गर्ने उदेश्यले बिस्तार गर्ने निर्णय गरिएको दलित सरोकार मंचका संयोजक राजकुमार पासवानले जानकारी दिए ।