Memo Khabar 
बिरगंज, ३ फागुन । पर्साको बिरगंजमा संचालित पर्सा क्रिकेट लिग अन्तर्गत बुधवार भएको खेलमा युनाइटेड क्रिकेट कल्व र माउन्टेन हिलस टिम विजय भएका छन् ।
पहिलो खेलमा युनाइटेडले गहवा स्पोर्टसलाई पराजित गर्दै ५३ रनले विजय भएका छन्, भने दोस्रो खेलमा माउन्टेन हिल्सले बिरगंज युवा क्लवलाई पराजित गर्दै ९ बिकेटले विजय भएको हो ।
पहिलो खेलमा युनाइटेडले १ सय ३१ रनको लक्ष्य खडा गरेका थिए, प्रतिउत्तरमा गहवा स्पार्टसले सबै बिकेट गुमाउँदै ७८ रनमै सीमित भएपछि युनाइटेडको जित सुनिश्चित भएको थियो ।
उक्त खेलको म्यान अफ दि म्याच सम्साद अन्सारी घोषित भए । यसैगरी माउन्टेन हिल्स र बिरगंज युवा क्लव बिच भएको खेलमा बिरंगज युवाले ८६ रनको योगफल खडा गरेका थिए, प्रतिउत्तरमा माउन्टेन हिल्सले १ बिकेट गुमाएर विजय हासिल गरे ।
सो खेलको म्यान अफ दि म्याच ब्यास यादब घोषित भएको मधेश प्रदेश क्रिकेट सँघ का सदस्य मुरतुजा हवारीले जानकारी दिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |