मविब क्याम्समा त्रिकोणात्मक प्रतिस्पर्धा हुने, निर्वाचन बिहान ८ बजे देखि ४ बजे सम्म

राजबिराज, ४ चैत्र । लामो समय पछि चुनाव हुन लागेको स्ववियु निर्वाचनमा जसपा र लोसपा र नेकपा माओवादी संयुक्त बिधार्थी गठबन्धन, नेबि सँघ र अनेरास्ववियु बिच त्रिकोणात्मक प्रतिस्पर्धा हुने भएको छ । 

१४ वर्ष पछि हुन लागेको स्ववियु निर्वाचन भोलि चैत ५ गते आइतबार बिहान ८ बजे देखि हुँदै छ । शनिवार मबिव क्याम्पसमा स्ववियु निर्वाचनको सम्पूर्ण तयारी भई बिहान ८ बजे देखि ४ बजे सम्म निर्वाचन हुन लागेको हो । 

मबिव क्याम्पसमा सभापति पदका लागि ५ जनाले उम्मेदवारी परेको छ । प्रत्यक्ष तर्फ सभापतिमा जसपा, लोसपा, नेकपा माओवादी निकट बिधार्थी गठबन्धनबाट समाजवादी बिधार्थी युनियनका रंजित कुमार यादब, सचिवमा सुनिल कुमार मण्डल र कोषाध्यक्षमा मेनुका साहले उम्मेदवारी दिएका छन् । 

त्यस्तै नेकपा एमाले र नेकपा एस निकट गठनबन्धनबाट सभापतिमा रंजिव कुमार साह, सचिवमा सत्य नारायण चौधरी र कोषाध्यक्षमा मनिषा कुमारी साह रहेको छ । 

यसैगरी नेवि सँघवाट सभापतिमा महेश कुमार यादब,सचिवमा गजेन्द्र प्रसाद साह, कोषाध्यक्ष टिना कुमारी आनन्द रहेको छ । 

यसरी बिधार्थी जनमत सँघको तर्फ वाट सभापतिमा रामभजन कुमार मण्डल, सचिवमा मनोज कुमार साह, र कोषाध्यक्षमा पुरुषोत्तम रामले उम्मेदवारी दिएको छ । यता आम बिधार्थी मोर्चाले डोली कुमारी दासलाई सभापति पदमा उम्मेदवारी दिएका छन । 

मबिव क्याम्पसमा १९ पदका लागि हुने स्ववियु चुनावमा प्रत्यक्षबाट १० जना र समानुपातिक वाट ९ जनाको बहुमतीय प्रणालीबाट चयन गरिने निर्वाचन अधिकृत रामअशिष यादबले जानकारी दिए । १ हजार ९ सय १४ बिधार्थी मतदाता रहेको निर्वाचन अधिकृत रामअशिष यादबले बताए । 

स्ववियु निर्वाचन पश्चात् विद्यार्थीहरूको हकहितको संरक्षण, बौद्विक र चारित्रिक बिकासका लागि कार्यक्रम तर्जुमा र कार्यान्वयन, पठनपाठनका लागि उपयुक्त वातावरण, अनुशासन कायम, रचनात्मक, तथा अतिरिक्त, क्रियाकलाप लगायतका गतिविधि उचित ढंगले अघि बढ्ने विद्यार्थीहरूको विश्वास छ । 

प्रत्यक्ष तर्फ सभापति, सचिव र कोषाध्यक्ष र सदस्यमा ७ गरी १० जनाको प्रत्यक्ष निर्वाचन प्रणाली चयन गरिने छ । यसैगरी समानुपातिक निर्वाचन प्रणालीबाट पहिला ९ जना सदस्यलाई चयन गरिने छ । यसरी प्रत्यक्ष तर्फ १० जना र समानुपातिक तर्फबाट ९ जना गरी १९ सदस्यीय कार्यसमितिको नामावली घोषण गरिने छ । 

समानुपातिक वाट आएका ९ जना मध्ये स्ववियु पदाधिकारीको पहिलो बैठकले बहुमतीय प्रणालीबाट उपसभापति र सहसचिव सहित सदस्यहरूको चयन गरिने छ । सामानुपातिक तर्फ अखिल नेपाल राष्ट्रिय स्वतन्त्र बिधार्थी युनियन (अनेरास्ववियु),नेकपा (एस) निकट (अनेरास्ववियु),  नेपाल बिधार्थी संघ, अखिल क्रान्तिकारी, समाजवादी बिधार्थी युनियन नेपाल, लोकतान्त्रिक बिधार्थी सँघ सहित ६ वटा बिधार्थी संगठनले उम्मेदवारी दिएको मबिव क्याम्पस राजबिराजका स्ववियु निर्वाचन समितिका अधिकृत रामअशिष यादबले जानकारी दिए । 

यता स्ववियु निर्वाचनको सम्पूर्ण तयारी पूरा भएकोले भोलि बिहान देखि निर्वाचन सुर हुने निर्वाचन अधिकृत रामअशिष यादवले जानकारी गराए । अधिकृत यादवले स्ववियु निर्वाचन सहभागी हुन सम्पूर्ण बिधार्थीहरूलाई आग्रह गरेको छ । 

चुनाव शान्तिपुर्ण रूपमा सम्पन्न गराउन बिधार्थी संघसंगठन, सुरक्षा निकाय तथा समाजसेवी, बुद्विजिवी, संचारकर्मिहरूलाई आग्रह गरेको छ ।