मेयर कप टी ट्वान्टी क्रिकेट प्रतियोगितामा तिलाठी कोइलाडी र रुपनी विजयी

राजविराज, १३ बैशाख । मधवापुरमा संचालित हनुमाननगर कंकालिनी नगरपालिका प्रथम मेयर कप टि ट्वान्टी क्रिकेट प्रतियोगितामा तिलाठी र रुपनी बिजयी भएका छन् ।

बुधवार सम्पन्न पहिलो खेलमा तिलाठी कोइलाडी गाउँपालिकाले कञ्चनरूप नगरपालिकालाई ९१ रनले र रुपनी गाउँपालिकाले हनुमाननगर ब्लु टिमलाई ४ बिकेटले बिजयी भएको हो । 

तिलाठीले दिएको १ सय ७९ रनको लक्ष्य पछयाउने क्रममा कंचनरूपले ८८ रन मै सबै बिकेट गुमाएपछि तिलाठी ९१ रनले जित हात पारेको हो । सो खेलको म्यान अफ दि प्लेयर विजय टिमका दिपेश सरदार घोषित भएका थिए । 

त्यस्तै दोस्रो खेलमा हनुमाननगर ब्लु टिमले १ सय १३ रनको योगफल खडा गरेका थिए, सो लक्ष्य रूपनी गाउँपालिकाले ६ बिकट गुमाएर विजय हासिल गरेको हो। सो खेलमा म्यान अफ दि प्लेयर बिकास दास घोषित भए ।

विहिबारको पहिलो खेल तिलाठी कोइलाडी गाउँपालिका र हनुमाननगर कंकालिनी नगरपालिकाको रेड टिमबीच तथा दोस्रो खेल छिन्नमस्ता गाउँपालिका र हनुमाननगर कंकालिनी नगरपालिकाको ब्लु टिम बीच हुने हनुमाननगर कंकालिनी नगरपालिकाका सूचना प्रविधि अधिकृत अमित पाठकले जानकारी दिए ।