सप्तरी प्रिमियर लिग प्रतियोगिताको लागि अक्सन (खेलाडी खरिदबिक्री) छनोट सम्पन्न

राजबिराज, २४ जेठ । राजबिराज मेयर कप सप्तरी प्रिमियर लिग ५ अन्तर्गत खेलाडी खरिद बिक्री (अक्सन) को  आयोजना गरिएको छ । 

बुधवार राजबिराज स्थित आईगार्डेनमा सप्तरी क्रिकेट सँघको आयोजना तथा राजबिराज नगरपालिकाको मुख्य सहयोगमा अक्सनको आयोजना गरिएको हो । 

उक्त प्रिमियर लिगमा बजाज खडक वारियर, रूपनी राईडर्स, बलान बिहुल सुपर किंगस, कंचनरूप राईनो, छिन्मस्ता दर्शन, राजबिराज दि किंग सहित ६ टिमले सहभागिता जनाएको छ । अन्तराष्ट्रिय, राष्ट्रिय तथा स्थानीय खेलाडीहरू सहभागिता रहने प्रतियोगिताका लागी खेलाडीहरूलाई ४ ग्रेडमा राखेर अक्सनको आयोजना गरिएको छ । 

दर्ता गरिएको फर्मबाट ६ टिमका म्यानेजरहरूले  खेलाडीहरूको मोलमोलाइ गरी विभिन्न ग्रेडमा रहेका खेलाडीहरूको खरिद गरि ६ जना जिल्ला बाहिर र ८ जना खेलाडी स्थानीय लोकल राखेर टिम बनाउने प्रावधान रहेको सप्तरी क्रिकेट सँघका सचिव चन्दनकुमार यादबले जानकारी दिए । उक्त राजबिराज मेयर कप सप्तरी प्रिमियर लिग क्रिकेट प्रतियोगिता जेष्ठ ३१ गते देखि पबिमाबि राजबिराज खेलमैदान हुने भएको छ । 

सप्तरी क्रिकेट सँघका अध्यक्ष आयुष श्रेष्ठको अध्यक्षतामा आयोजित अक्सन कार्यक्रममा छिन्मस्ता गाउपालिका अध्यक्ष बिदियान्नद चौधरीले ब्यानर पढेर अक्सनको उदघाटन गरेका थिए । 

सो अबसरमा बलानबिहुल गाउपालिका अध्यक्ष खेमचन्द्र यादब, सप्तरी क्रिकेट सँघका उपाध्यक्ष धर्मेन्द्र चौधरी, सचिव चन्दन यादब, प्रतियोगिता संयोजक रोशन मण्डल, शंभु दास, मनोज साह, बिरेन्द्र यादब, संजय सिँह कार्की, राजेश झा, रबि राय लगायतको उपस्थिति रहेको थियो ।