असार ३ देखी ‘मेयर कप सप्तरी प्रिमियर लिग’ क्रिकेट प्रतियोगिता हुँदै

राजबिराज, १ असार । सप्तरीको राजविराजमा असार ३ देखि ‘मेयर कप सप्तरी प्रिमियर लिग सिजन पाँचौ २०८० क्रिकेट प्रतियोगिता’ हुने भएको छ । 

असार ३ गते आइतबार पबिमाबि राजबिराजको खेलमैदानमा बिहान ९ बजे वाट प्रतियोगिताको उद्घाटन हुने छ । 

राजविराज नगरपालिकाले आयोजना गर्न लागेको पाँचौं संस्करणको प्रतियोगितामा बजाज खडक वारियर, रूपनी राइडर्स, बलान बिहुल सुपर किंग्स्, कंचनरूप राईनो, छिन्मस्ता दर्शन, राजबिराज दि किंग सहित ६ टिमले सहभागिता रहने छ । 

प्रतियोगिताका लागि ‘अक्सन’का माध्यमबाट खेलाडी छनोट गरिएको सप्तरी क्रिकेट संघका अध्यक्ष आयुष श्रेष्ठले जानकारी दिए । उनका अनुसार अक्सनका लागि कुल १७२  खेलाडीले आवेदन दिएका थिए भने तीमध्ये ८५ जनालाई विभिन्न टिमले खरिद गरेका छन् । 

संस्करणको प्रतियोगितामा राष्ट्रिय स्तरका खेलाडीको सहभागी रहने भएकाले अघिल्ला संस्करणहरू भन्दा धेरै राम्रो हुने आयोजकको अपेक्षा छ । 

उक्त प्रतियोगिताहरू राजबिराज स्थित पबिमाबि राजबिराज खेलमैदानमा हुने भएको छ । सोको लागी खेलमैदान सहित सम्पूर्ण तयारी अन्तिम अवस्थामा रहेको सप्तरी क्रिकेट संघले जनाएको छ ।