शहिद रामकृष्ण राउत स्मृतिमा दुई जनालाई छात्रवृति प्रदान

शहिदको बलिदानलाई सत्तामा पुग्ने माध्यम मात्र बनाइयो : डा. जयकान्त राउत

राजविराज । राष्ट्रिय योजना आयोगका सदस्य डा. जयकान्त राउतले नेताहरुले शहिदको बलिदानलाई सत्तामा पुग्ने माध्यम मात्र बनाइएको आरोप लगाएका छन् ।

तेस्रो मधेश आन्दोलनका शहिद रामकृष्ण राउतको स्मृतिमा शनिबार सप्तरीको हनुमाननगर कंकालिनी नगरपालिका–१ भारदहमा आयोजना गरिएको शहिद रामकृष्ण राउत स्मृति एवम छात्रवृत्ति कार्यक्रममा डा. राउतले अधिकारको लडाईमा ज्यान दिएका मधेशी शहिदसँग विभेद गरि अहिले सम्म सता र कुर्सीमा बस्ने मात्र गरेकोले त्यसको परिवर्तनमा लागेको बताए ।

उनले शहिदको वलिदानी फलस्वरुप विभिन्न कार्यक्रमका साथ प्रतिष्ठानलाई समेतअगाडि बढाउने काम गर्ने बाचा समेत गरेका थिए । कार्यक्रममा मधेश प्रदेशका सदस्य सतिस सिंहले शहिदले वलिदानी दिएका प्रति हामी अधिकारका लागि लडिरहेको बताए । उनले भने अधिकार संगसंगै विकासलाई समेत अगाडी बढाउन सबै चासो राख्नु पर्नै आग्रह गरेका थिए ।

कार्यक्रममा २०७९ एसईई परिक्षामा स्थानीय विद्यालय मध्येमा उत्कृष्ट एक जना छात्र र एक जना छात्रालाई छात्रवृत्ति वितरण गरिएको थियो । स्थानिय विपि माविका छात्र तर्फ उत्कृट अंक ल्याउने दिपेश कुमार माझी र कंकालनी मावि पोर्ताहाबाट छात्रा तर्फ उत्कृष्ट अंक ल्याउने मनिषा मरगरदैता यादवलाई नगद पाँच हजार र प्रसन्शापत्रबाट सम्मान गरेका थिए ।

शहिद रामकृष्ण राउत स्मृति प्रतिष्ठानको अध्यक्ष राजकुमार राउतको अध्यक्षतामा प्रतिष्ठानले आयोजना गरेको उक्त कार्यक्रममा मधेश प्रदेशका सदस्य सकिल अलि, हनुमाननगर कंकालिनी नगरपालिकाका प्रमुख बिरेन्द्र माझी, मैथिली साहित्य परिषद्का अध्यक्ष अवधेश झा, जसपाका सप्तरी जिल्ला उपाध्यक्ष निलेश झा, कंकालनी मन्दिर विकास समितीका अध्यक्ष श्याम सुन्दर मण्डल, समाजसेवीद्धय पवन मण्डल, जयसुन्दर खिडहरी लगायतका वक्ताहरुले मन्तव्य राखेका थिए ।कार्यक्रममा स्वागत मन्तव्य प्रतिष्ठानका उपाध्यक्ष धर्मापाल राउतले व्यक्त गरेका थिए भने संचालन राजेश झाले गरेका थिए ।