नेपाल क्रिकेट संघको अध्यक्षमा चन्द दोहोरिए, उपाध्यक्षमा सिँह र कोषाध्यक्षमा खड्का निर्विरोध

राजबिराज । नेपाल क्रिकेट संघको अध्यक्षमा चतुरबहादुर चन्द निर्विरोध निर्वाचित भएका छन् । शनिबार संघको अध्यक्ष पदमा भएको निर्वाचनमा चन्द निर्विरोध निर्वाचित भएका हुन् । अध्यक्षमा उनी पुनः दोहोरिएका छन् ।

यसैगरी उपाध्यक्षमा रोशन कुमार सिँह र कोषाध्यक्ष पदमा दम खड्का निर्विरोध निर्वाचित भएका छन् भने महिला सदस्यमा जयन्ती खड्का निर्विरोध निर्वाचित भएकी छन् ।  

नेपाल क्रिकेट संघको शुक्रबार काठमाडौंमा सुरु भएको साधारणसभा आज शनिबार नयाँ नेतृत्व चयन गर्दै सम्पन्न हुनेछ । सचिव लगायत अरु पदका लागि निर्वाचन जारी छ ।