गायक शिव परियारको ‘फूलै फूल दिन्छौ कि’ गीतको म्युजिक भिडियो सार्वजनिक

अदित्य अजय, काठमाडौं,०४  भाद्र । गायक शिव परियारको स्वरमा रहेको ‘फूलै फूल दिन्छौ कि’ गीतको म्युजिक भिडियो सार्वजनिक भएको छ।

रिमेक भर्सनको रुपमा सार्वजनिक भएको यो गीतमा आशिष अविरलको संगीत छ भने आनन्द अधिकारीले यो गीतका शब्दहरु रचना गरेका हुन् टिकटकमा लोकप्रिय रहेको यो गीतको भिडियो आकर्षक बनेको छ।

विवेक रसाइलीको निर्देशनमा बनेको भिडियोमा अभिनेता आकाश श्रेष्ठ तथा मोडल करुणा श्रेष्ठले अभिनय गरेका छन् । सौरभ लामिछाने यो भिडियोको छायांकार हुन् ।

राग स्टुडियोको प्रस्तुतिमा बनेको भिडियोको सम्पादन भुपेन्द्र अधिकारीले गरेका छन् । यो भिडियो आशिष अविरलको अफिसियल यूट्यबु च्यानलमार्फत सार्वजनिक गरिएको छ ।