कुकुरलाई बचाउन खोज्दा मोटरसाइकल दुर्घटना, एक महिलाको मृत्यु 

सप्तरी, २७ भाद्र । गुडिरहेको मोटरसाइकल कुकुरलाई बचाउने क्रममा आफै अनियन्त्रित भइ दुर्घटना हुँदा सप्तरीको बोदेबर्साईन नगरपालिका २ की ४५ वर्षीया अन्जना देवी यादवको  मृत्यु भएको छ ।

आज बिहान करिव ८:३० बजेको समयमा सप्तरी शम्भुनाथ नगरपालिका  वडा नम्बर ५ मोहनपुरस्थित पूर्व पश्चिम राजमार्गमा पश्चिम बाट पूर्वतर्फ जाँदै गरेको प्रदेश २–०१–००२ प ३९९३ नम्बरको मोटरसाइकल कुकुरलाई बचाउने क्रममा  अनियन्त्रित भइ दुर्घटना भएको प्रहरीले जनाएको छ ।

मोटरसाइकल चालक जिल्ला सप्तरी बोदेबर्साईन नगरपालिका वडा नम्बर २ बस्ने अन्दाजी वर्ष ४८ को मोहन कुमार यादवलाई केही नभएको प्रहरीले जनाएको छ । 

मोटरसाइकल चालक र अन्जना देवी यादव दुबै जना पति पत्नी हुन ।