राष्ट्रिय बाल दिवस २०७९ को अवसरमा खडकमा बाल कचहरी तथा बाल संवाद

खडकको अधिकांश विद्यालयमा त्रैमासिक परीक्षा भइसकेपनि पाठ्यपुस्तक पाएन

सप्तरी, २९ भाद्र । राष्ट्रिय बाल दिवसको अवसरमा खडक नगरपालिकाका आधिकांश विद्यालयमा बालबालिकाहरूले त्रैमासिक परीक्षा भइसकेपनि पाठ्यपुस्तक पाउन नसकेको बालबालिकाहरूले गुनासो गरेका छन् । 

बालमैत्री समाजको आधार, जिम्मेवार परिवार उत्तरदायी सरकार नारा सँग सप्तरीमा पनि राष्ट्रिय बाल दिवस ०७९ को अवसरमा खडक बाल कचहरी तथा बाल संवाद कार्यक्रममा भ।स।रा।ज।मा।बि का बालबालिकाहरूले सो गुनासो गरेका हो । कार्यक्रममा नगर वाल सञ्जालका अध्यक्ष प्रलाथ चौधरीले त्रैमासिक परीक्षा भइसकेको अवस्थामा हामीले हातमा किताब पाउन नसकेको गुनासो गरेका छन । 

उक्त अवसरमा नगर प्रमुख जयप्रकाश चौधरीले नगरको गुणस्तरीय शिक्षाका लागि हामी गम्भीर रहेकोले विद्यालयमा नियमित पठन पाठन,अनुगमन र समयमै नियमित पाठ्यपुस्तक ल्याउन बनाउने प्रतिबद्धता गर्नुभयो। उनले भने शैक्षिक समस्या र शिक्षाको सुधारका लागि सबै नगरवासी र स्थानीय निकाय, अभिभावक, सरोकारवाला निकायहरू एकजुट भएर अभियानको रूपमा नचलाए सम्म शैक्षिक सुधार नहुने जिकिर गरे । 

प्रमुख चौधरीले स्वास्थ्य चौकीमा औषधी र विद्यालयमा शिक्षक छैन भने कुराको जानकारी गराउनुस्, हामी तुरुन्त समस्याको समाधान गर्ने बताए । उनले भने लागू औषध न्यूनिकरणका लागि योजनावद्ध रूपमा कार्यक्रम ल्याउने बताउँदै भने नगरलाई चाडै पुर्न सरसफाइ मुक्त गाउँ बनाउने योजना रहेकोले फोहोर व्यवस्थापन गर्न केही प्राविधिक कारण फोहोर उठाउन अलि समय लागेकोले चाडै सरसफाइ गरिने बताए । 

सो अवसरमा बालबालिकाहरूले नगरभित्रका सरोकारवाला निकायहरूसँग गुणस्तरीय शिक्षा, बालविवाह, शुद्व खानेपानीको व्यवस्थापन, बालश्रम, लागूऔषधको न्यूनिकरण गर्न तथा समयमा पाठ्यपुस्तक पाउन नसकेको र बिधालय सम्म आवतजावत गर्न समस्या हुने गरेको बालबालिकाहरूले आ आफ्नो जिज्ञासा राखेका थिए । 

बुधवार खडक नगरपालिका वडा ६ स्थित भ।स।रा। ज। माबि कल्याणपुरमा नगर बाल सञ्जालको  आयोजनामा तथा सबल नेपाल, सेभ द चिल्ड्रेन र महिला बालकालिका तथा ज्येष्ठ नागरिक शाखा खडक नगरपालिकाका को समन्वयमा बाल कचरी कार्यक्रम गरी मनाएको हो । 

सो अवसरमा सेभ द चिल्ड्रेनका बरिष्ठ कार्यक्रम संयोजक खिलानाथ निरौला, सबल नेपाल अध्यक्ष जुना गिरी, पत्रकार चन्दन कुमार यादव, बालअधिकारको सुनिश्चिताको लागि सबै सरोकारवाला निकायहरूले समन्वय गरेर अगाडि पढ्नुपर्नेमा जोड दिएका छन् । 

यसैगरी सुरुंगा नगरपालिकामा नगर वाल सन्जालको आयोजनामा बत्तृत्वकला प्रतियोगिताको आयोजना गरि मनाईएको छ ।