सप्तरीमा मोटरसाइकल दुर्घटनामा एकको मृत्यु

राजविराज, १ फागुन । सप्तरीको शम्भुनाथ नगरपालिकामा सोमबार बिहान मोटरसाइकल दुर्घटना हुँदा शम्भुनाथ नगरपालिका ११ का २८ वर्षीय कपिल चौधरीको मृत्यु भएको छ ।

पूर्वपश्चिम राजमार्गको शम्भुनाथ नगरपालिका- ७ मोहनपुरमा सडकको बायाँतर्फ स ९ प ८१९१ नम्बरको मोटरसाइकल अनियन्त्रित भएर दुर्घटना भएको थियो ।

दुर्घटनापछि स्थानीयले प्रहरीमा खबर गरेर घाइते भएका चौधरीलाई उपचारका लागि राजविराजस्थित गजेन्द्रनारायण सिंह अस्पताल ल्याउँदै गर्दा बाटोमै मृत्यु भएको प्रहरीले जनाएको छ ।