३० वर्षको प्रतीक्षा पछि भलुवाही बस्ती हुँदै बसपार्क जोडने बाटो निर्माण भएपछि स्थानीयवासी खुशी 

राजबिराज, ६ फागुन । राजबिराज वडा २ स्थित भलुवाही बस्ती हुँदै बसपार्क जोडने बाटो निर्माण भएपछि स्थानीय वासी खुशी भएका छन् । 

राजदेबी सडक खण्ड अन्तर्गत बसपार्क, पुरानो सलाई मिल हुँदै भलुवाही नदि देखी गजेन्द्र चौक सम्म सिधा जोडने एक मात्र बाटो निर्माण भएपछि स्थानीयवासी हर्सित भएको हो । परा पुर्वकाल देखि चलनचल्तीमा रहेको बाटोमा ढलान निर्माण भएपछि वर्षौ देखीको प्रतीक्षाको अन्त भएको स्थानीय असोक देव बताउँछन् । 

३० वर्ष देखि चलनचल्तीमा रहेको यो बाटोमा दीर्घकालीन रूपमा बाटो फराकिलो सम्बन्ध विवाद हुँदै आएकोले निर्माण हुन सकेको थिएन, देवले भने, राजबिराज नगरपालिका कावा नगरप्रमुख ईसरत प्रविण, प्रमुख प्रशासकीय अधिकृत सोनु कुमार सोनु, वडा २ का अध्यक्ष अरूण यादब, योजना अधिकृत मनोज यादब, संचारकर्मि चन्दनकुमार यादब लगायत स्थानीय वासीहरूको पहलमा ५ मिटरको बाटो फराकिलो बनाएपछि निर्माण सम्भव भएको उपभोक्ता समिति सचिव शंभु प्रसाद देव बताए । 

२ सय मिटरको उक्त बाटो निर्माण गर्न सडक बोड र राजबिराज नगरपालिकाको सहयोगमा बाटोमा ढलान कार्य सम्पन्न भएको उपभोक्ता समितिका अध्यक्ष मिरादेबी साहले बताइनँ, यता राजबिराज नगरपालिका कावा नगरप्रमुख ईसरत प्रविणले बाटो निर्माण सम्बन्धमा बारम्बार स्थानीयवासीहरू बिच विवाद हुँदै आएपनि सबैको प्रयास पछि बसपार्क सम्म राजदेबी सडकमा जोडने बाटो निर्माणले जनतालाई राहत मिलेको बताउँदै सडकलाई नियमित सञ्चालन गर्न आफ्नोतर्फबाट सक्दो सहयोग गर्ने प्रतिबद्धता गरिन । 

राजबिराज २ का अध्यक्ष अरूण यादबले राजदेबी सडक खण्ड अन्तर्गत भलुवाही पुल सम्म जोडने बाटो निर्माणले सर्वसाधारणलाई मुख्य बजार राजबिराज, खसी बोका, माछा हटिया बजार सम्म आवतजावत गर्न सहज भएको बताए । ५ मिनेट मै बसपार्क देखि नगरको मुटु गजेन्द्र चौक सम्म जोडने वैकल्पिक सडकको रूपमा बिस्तार हुदाँ सर्वसाधारण आवतजावत सहज भएको स्थानीय हासिम अन्सारी बताउछन ।