समुन्नति कार्यक्रमको वार्षिक समीक्षा बैठक सम्पन्न, विभिन्न विद्यालयमा बालविकास केन्द्र निर्माण 

राजबिराज, ८ फागुन । समुन्नति कार्यक्रमको वार्षिक समीक्षा बैठकमा राजबिराज नगरपालिकामा ५१ लाख बराबरको सहयोगमा बालविकास केन्द्र निर्माण तथा कक्षा कोठा मर्मत सम्भार र रंगरोगन कार्यमा लगानी लगाइएको बताईएको छ । 

सोमवार सेभद चिल्ड्रेनको सहयोग र सेभद सप्तरीको आयोजनामा तथा राजबिराज नगरपालिकाको समन्वयमा नगरपालिका स्तरीय सरोकारवालाहरू सँग सन २०२२ को वार्षिक कार्यक्रम सुरूवाती९ किक अफ० समीक्षा बैठकमा सो कुरा बताईएको हो । 

बालबालिकाहरूको शिक्षामा पहुँच पुर्याउने उद्देश्यले समुन्नति कार्यक्रम संचालन भएका राजबिराज नगरपालिकाको वडा १, ५, १४, १५ र १६ गरी ५ वटा वडामा सो खर्च गरिएको सेभद सप्तरी सचिव नरेन्द्र यादबले बताए । 

समुन्नति कार्यक्रमको आधारभुत शिक्षा अन्तर्गत सन २०२२ मा राजबिराज नगरको वडा १४ नम्बर वडामा २१ लाखको लागतमा  आधारत बिधालय परसाहीमा बालविकास केन्द्र निर्माण गरिएको विद्यालयका प्रधानाध्यापक राजकुमार मण्डलले बताए । यसैगरी वडा १५ मा ११ लाखको सहयोगमा मुसहरनियाँमा दुई बालविकास केन्द्रमा मर्मत सम्भार गरिएको छ । 

राजबिराज स्थित पविमाबिको दृष्टीबिहिन छात्रछात्राको लागि छात्रावासको मर्मत सम्भार, रंगरोगन,शौचालय मर्मत सम्भार स्नान गृह, ट्युबेल निर्माण, शैक्षिक सामग्री, न्यानो कपडा वितरणमा १७ लाख बराबरको सहयोग गरेका फिल्ड अफिसर दुर्गानन्द शर्माले जानकारी दिए । त्यस्तै स्थानीय सामग्री प्रयोग गरी ७ वटा बालविकास केन्द्रमा सिकाइ सामग्री तथा खेलसामग्री निर्माण कार्यशाला संचालन गरेको दुर्गानन्द शर्माले जानकारी दिए । 

जिविकोपार्जन कार्यक्रम वडा १४ र १ मा कृषक समूह बनाई नर्सरी उत्पादन, तरकारी उत्पादन तथा आरगेनिक खेतीमा सहयोगमा गर्दै आएको छ । सो अवसरमा राजबिराज नगरपालिका निमित प्रशासकीय अधिकृत निरन्जन यादबले सबैको सहयोग र सहकार्य वाट स्वास्थ्य र शिक्षामा बालबालिकाहरूको पहुँच पुर्याउन सकिने बताउनु भयो । 

सेभद सप्तरीका सचिव नरेन्द्र यादबले बिधालय बाहिर कुनै पनि बिधार्थी स्कुल भन्दा बाहिर नहोस् र उनीहरूलाई गुणस्तरीय शिक्षामा पहुँच र परिवारलाई  सुखमय बनाउने उद्देश्य रहेको जानकारी दिए । उनले भने किसानहरूले उत्पादन गरेका बालिकाहरूको अनुगमन र पोषण युक्त खाने तरिका र बानीको विकास गर्न सहजिकरण र पैरबी सँगै कृषकहरूको कृषि उत्पादन र आयमा बृद्वि, स्वस्थ परिवार निर्माण गर्ने उद्देश्य रहेको बताउनु भयो । कृषक समुहका सदस्यहरूलाई उत्पादन तथा तरकारी ब्यस्थापन अभिमुखिकरण, बिपन्न परिवारका सदस्यहरूलाई ब्यवसाय शुरूवात तथा सुधार तालिम,आधुनिक तथा सुधारिएका प्रविधिहरूको सहयोग, बर्षाको समयमा नर्सरी उत्पादन टनेल हाउस निर्माण गरिने फिल्ड अफिसर सत्य नारायण ठाकुरले जानकारी दिए। 

बालवालिकाहरूलाई बिधालयमा पहुच पुरयाउन, सिकाउन, टिकाउन,बिकाउने उदेश्यले कार्यक्रम गर्दै आएको सेभद सप्तरीका अपरेसन अफिसर फरजना खातुनले बताईन । आधारभुत शिक्षा तथा बालविकास कार्यक्रम अन्तर्गत गर्भवति महिला, नवजात शिशु, पोषण, प्रारम्भिक बाल हेरचाह र बिकास, किसोर किसोरी बिकास कार्यक्रम, तथा प्रजनन स्वास्थ,जिविकोपार्जन क्षेत्रमा कार्य गर्दै आएको सेभद सप्तरीका परियोजना संयोजक सन्तोष यादबले जानकारी दिए । 

सो अवसरमा सेभद सप्तरी सचिव नरेन्द्र यादबले वडाहरूमा बालबालिकाहरूको लागि छुटयाएको रकम खर्च नभएको हुदाँ कार्यक्रमलाई थप प्रभावकारी बनाउन चुनौती बढेको बताए । राजबिराज वडा १६ स्वास्थ्य चौकी ईन्चार्ज फुलवाबुले क्वाटर निर्माण हुन सक्दा बर्थिंग सेन्टर संचालन गर्न कठिनाई भएको बताए । यता १६ का वडा अध्यक्ष रामएकवाल यादबले बर्थिंग सेन्टर संचालन गर्न केही कठिनाई भएकोले नगरपालिका सँग सम्न्वय गरेर चाडै सुचारू गर्ने प्रतिबधता जनाए ।

बालविकास सहजकर्ता सुष्मा दासले राजबिराज नगरपालिका भित्र रहेका सबै बालविकास केन्द्र निर्माण र धशसुधार गर्न, प्राबिधिक सहयोग गर्नुपर्ने बताईन,  बालबालिकाहरूको गुनासो, बाल अधिकार तथा को वालसंरक्षण समिति कार्यबिधि ०७९ पारित नभएको तथा निजी र समुदाय विद्यालयमा बालबालिकाहरूको भर्ना हुदाँ बिधार्थी उपस्थिति दरमा असर पारेको सेभद सप्तरीका फिल्ड अफिसर राजिव चौधरीले गुनासो गरे । 

सो अवसरमा राजबिराज नगरपालिका कावा नगर प्रमुख ईसरत प्रविण, निमित प्रशासकिय अधिकृत निरन्जन यादब, शिक्षा शाखा प्रमुख भोगेन्द्र यादब,पशु बिकास शाखा प्रमुख परमेशवर यादब, राजबिराज वडा १ का अध्यक्ष चन्द्रशेखर चौधरी, वडा १६ का वडा अध्यक्ष रामएकवाल यादब, वडा १४ का अध्यक्ष जगदिश मण्डल, राजबिराज वडा १ का वडा सदस्य खेलानन्द यादब, कृषि शाखा प्रमुख सामुदायिक परिचालक रामु यादब, स्वास्थ्य चौकी ईन्चार्ज फुलवावु लगायत शिक्षकरशिक्षिका, बालविकास ब्यबस्थापन समिति प्रतिनिधिहरू,बालकल्वका प्रतिनिधिहरूको उपस्थिति रहेको थियो ।