भलुवाही नदि नियन्त्रण गर्न ठोस योजना ल्याउँनुपर्नेमा जोड, विपत व्यवस्थापनका लागि पूर्व सुझाव संकलन गरिदै

राजबिराज, १० चैत्र । पूर्व मन्त्री उमेश यादबले राजबिराज नगरपालिकाले भलुवाही नदी नियन्त्रण गर्न केन्द्र सरकारबाट बजेट ल्याएर पुरा गर्नुपर्नेमा जोड दिएका छन् । 

शुक्रवार राजबिराज नगरपालिका वडा २ ले विपत व्यवस्थापन बारेमा वडा स्तरबाटै पूर्व सुझाव संकलन कार्य बारेमा गरिएको छलफलमा सो कुरा बताएको हो ।  उनले भने राजबिराजको भलुवाही नदिलाई दीर्घकालीन नियन्त्रण गर्न ठोस योजना ल्याउनुपर्ने जोड दिए । 

राजबिराजको भलुवाही नदि अन्तर्गत उतर वडा ५ देखि बिष्णुपुर रंजितपुरको झोलुंगे पुल सम्मको पहिलो चरणमा योजनावद्ध रूपमा कार्य गर्नुपर्नेमा जोड दिए । 

सो बैठकमा वडा २ राजदेबी टोलको आगामी आर्धिक वर्षका लागी तयार गरिने नीति निर्माण तथा बजेटमा विपत व्यवस्थापन सम्बन्धी योजना समावेश गर्न पूर्व सूचना संकलन कार्य गरिएको छ । 

वडा अध्यक्ष अरूण कुमार यादबको अध्यक्षतामा आयोजित कार्यक्रममा विपत व्यवस्थापन तथा न्यूनिकरण, सम्बन्धी भेला तथा छलफल कार्यक्रममा स्थानीय जनप्रतिनिधि तथा ज्येष्ठ नागरिकहरूले ३० पहिलेको विपदको अवस्था र त्यसपछि हाल सम्मको अवस्था बारे तुलनात्मक सुझावहरू दिएका थिए । उक्त कार्यक्रममा राजबिराज नगरपालिकाका रबिन्द्र साहले सहजिकरण गरेका थिए । 

उक्त अवसरमा जिसस सप्तरी सदस्य आशा देबी झा, वडा २ का वडा सदस्य बिहारी साह, राजुउद्विन खाँ, वडा सचिव अमरनाथ दत, नगरपालिका पोषण सहजकर्ता रंजिता यादब, पत्रकार चन्दन यादब, वडा बिटका असई दिनेश ठाकुर, वडा जेष्ठ नागरिक रामदेव यादब, सत्यनारायण देव लगायतले सुझाव प्रस्तुत गरेका थिए ।