Memo Khabar 
राजबिराज । चैत १७ देखि संचालन हुने माध्यमिक शिक्षा परीक्षा (एसईई) मा यस वर्ष जिल्लाबाट ९ हजार ५ सय २७ विद्यार्थी सहभागी हुने भएका छन् । यसका लागी जिल्लाभर ३६ वटा परीक्षा केन्द्र निर्धारण गरिएको छ ।
परीक्षा केन्द्रमा खटिने केन्द्राध्यक्ष, सह केन्द्राध्यक्ष तथा शिक्षक र कर्मचारीको अन्तिम टुङ्गो बुधवार सम्म लगाई सक्ने शिक्षा विकास तथा समन्वय एकाइका निमित्त प्रमुख राजदेव यादवले जानकारी दिएका छन् ।
प्रमुख जिल्ला अधिकारीको अध्यक्षतामा रहेको परीक्षा समन्वय समितिले परीक्षाको तयारीका लागी विभिन्न गतिविधि अघि बढाएको तथा परीक्षालाई मर्यादित बनाउन आवश्यक सम्पूर्ण तयारी पुरा भएको शिक्षा विकास तथा समन्वय एकाइले जनाएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |