हामीलाई पनि असर गरेको छ, त्यसैले चासो छ : सन्दर्भ राजविराजको विकास

राजविराज, १८ चैत्र । वर्षौ देखी राजविराजमा निर्माणधीन रहेको विकासका योजनाहरू अलपत्र रहेको हुँदा जिल्ला प्रहरी कार्यालय सप्तरीले शनिबार आफ्नो कार्यालयको फेसबुक वालमा एक पोस्ट गर्दे निर्माणको सम्बन्धमा चासो हेराएको छ ।

हटियाको भवन नबन्दा मालपोत रोडमा सडक व्यवस्थापन अस्तब्यस्त भएको भन्दै हटिया निर्माणमा चासो रहेको प्रहरीले जनाएको छ । त्यस्तै राजविराजस्थित महेन्द्र विन्देश्वरी बहुमुखी क्याम्पसको छात्रावास भवन, बसपार्क राजविराजदेखि सखडा, कञ्चनपुर, भारदह, रुपनी र सिरहा हुलाकी सडकमा भैरहेको ढिलासुस्ती र बेथितिको कारण के होला रु भन्ने प्रश्न जिल्ला प्रहरीले गरेको छ ।

राजदेवी रोडबाट छुट्नु पर्ने बसहरू बिच बजारमा बस स्टप बनाएर संचालन भइरहेको र फुटपाथमा पसल राखेर पैदल यात्रु सडकबाट हिड्‌न बाध्य रहेकोले यसले असर पारेको जिल्ला प्रहरी कार्यालय सप्तरीले जनाएको छ ।

‘विकासका योजनाहरू अलपत्र पारेर हराउने ठेकेदार विरुद्ध सम्बन्धित निकाय मौन बस्न हुदैन् ।’ जिल्ला प्रहरी कार्यालय सप्तरीको भनाई रहेको छ ।