हेलिकप्टर दुर्घटना हुँदा क्याप्टेनसहित दुई जना गम्भीर घाइते

संखुवासभा, २२ वैशाख । संखुवासभामा सिम्रिक एयरको  हेलिकप्टर दुर्घटना हुँदा दुर्घटनामा क्याप्टेन र स्थानीय भविन गुरुङ गम्भीर घाइते भएका भएका छन् । हेलिकप्टरमै रहेका छिरिङ भोटे भने सकुशल रहेको छ ।

गम्भीर घाइते भएकाहरुलाई नेपाली सेनाको टोलीले उद्धार गरेर उपचारका लागि पठाएको छ ।

माथिल्लो अरुण हाइड्रो पावरका सामान गोला भन्ने स्थानबाट सिप्रुङ भन्ने स्थानमा लैजाँदै गर्दा भोटखोला गाउँपालिका वडा नम्बर ४ सिप्रुङमा हेलिकोप्टरको पंखा पहाडको भित्तामा ठोक्किएर दुर्घटनामा परेको वडाअध्यक्ष तामाङले बताए ।