राजविराज-सखडा सडकखण्डमा मोटरसाइकल दुर्घटना हुँदा दुई जना जनाको मृत्यु

राजबिराज, १२ जेठ । सप्तरीको राजविराज- सखडा सडकखण्ड अन्तर्गत  छिन्नामस्ता गाउँपालिका- ३ मा शुक्रबार मोटरसाइकल दुर्घटनामा परि २ जनाको मृत्यु भएको छ भने एकजना घाईते भएका छ्न ।

दुर्घटनामा स्थानीय जोगेन्द्र यादवको छोरा बर्ष १८ को श्याम कुमार यादव र सोही ठाउँका रघुवर खंगको छोरा बर्ष ३० को विकास कुमार खंगको घटनास्थलमै मृत्यु भएको हो । दुर्घटनामा स्थानीय लाल बहादुर खंगको छोरा बर्ष २३ को अजय कुमार खंग घाईते भएका छ्न ।

दिउसो १२:३० बजे तिर राजविराज देखि सखडातर्फ जाँदै गरेको प्र-२-०१-००२ प २५६० नम्बरको अपाची  मोटरसाइकलमा  तिन जना सवार  रहेको हुँदा आफै अनियंत्रित भई नर्सिङ थान छेउमा रहेको पोलमा ठोकी दुर्घटना भएको ईलाका प्रहरी कार्यालय सखडाले जनाएको छ ।

मृतक दुबैजनाको शव परिक्षणका लागि राजविराज स्थित गजेन्द्रनारायण सिंह अस्पताल पठाएको तथा घटना बारे थप अनुसन्धान भईरहेको प्रहरीले जनाएको छ । घाइते अजय खंगको स्थानीय किलनिकमा उपाचार भईरहेको तथा उनको अबस्था सामान्य रहेको ईलाका प्रहरी कार्यालय सखडा ले जनाएका छन् ।