सप्तरीमा पत्नीको हत्या आरोपमा पति पक्राउ

राजविराज । सप्तरीमा श्रीमतीलाई कुटपिट गरी हत्या गरेको आरोपमा पति पक्राउ परेका छन् । पक्राउ पर्नेमा महादेवा गाउँपालिका वडा नम्बर- २ अकबरपुर निवासी ३५ बर्षीय रामरुप खंगलाई पत्नी हत्याको आरोपमा पक्राउ गरिएको प्रहरीले जनाएको छ ।

घरायसी विवादमा रामरुपले कुटपिट गरेपछि गम्भीर घाइते भएकी ३० वर्षीया पार्वतीको उपचारका क्रममा राजविराजस्थित अस्पतालमा मृत्यु भएको सप्तरी प्रहरीले जनाएको छ । आईतबार राति भएको यो घट्नापछि प्रहरीले रामरुपलाई नियन्त्रणमा लिएको छ ।

रामरुपले पत्नीलाई कुटपिट गरिरहँदा बचाउन गएकी उनकी आमा ६१ वर्षीया समतोलिया खंग घाइते भएकी छन् । उनको राजविराजमा उपचार भइरहेको छ । रामरुपले पत्नीलाई कुटपिट गरिरहँदा बचाउन गएकी उनकी आमा ६१ वर्षीया समतोलिया खंग घाइते भएकी छन् । उनको राजविराजमा उपचार भइरहेको छ । घट्ना सम्बन्धमा अनुसन्धान भइरहेको जिल्ला प्रहरी कार्यालय, सप्तरीले जनाएको छ ।