खेतमा सिंचाई गर्ने क्रममा करेन्ट लागेर एक किसानको मृत्यु

राजविराज । खेतमा पानी सिंचाई गरिरहेका सप्तरीका एक किसानको करेन्ट लागेर मृत्यु भएको छ ।

अग्निसाइर कृष्णासवरण गाउँपालिका-४ बनौली बस्ने  ईन्द्रदेव यादवको छोरा  बर्ष २५ को मुकेश कुमार यादवको करेन्ट लागेर मृत्यु भएको प्रहरीले जनाएको छ ।

खेतमा बिजुलीबाट पानि तान्ने मोटर प्रयोग गरेर सिंचाई गर्ने क्रममा तार सर्ट भइ करेन्ट लागेर गम्भीर घाइते भएका यादवको उपचारका क्रममा छिन्मस्ता अस्पतालमा बुधबार राति मृत्यु भएको हो ।