मधुश्रावणी पर्वको अवसरमा शुभकामना आदानप्रदान तथा गायन प्रतियोगिता सम्पन

राजबिराज, २६ साउन । मिथिलामा नवविवाहिता बधुहरुले गर्ने सबभन्दा ठुलो  व्रत मधुश्रावणी पर्वको अवसरमा शुक्रबार राजविराजमा शुभकामना आदानप्रदान तथा लोकगीत गायन प्रतियोगिता कार्यक्रम गरिएको छ ।

मैथिली साहित्य परिषद्को अध्यक्ष अवधेश झाको अध्यक्षतामा आयोजना गरेको उक्त कार्यक्रमको प्रमुख अतिथि मधुश्रावणी पुजा गरि रहेकी नवविवाहिता बधुहरु थिइन् ।

उक्त अवसरमा आयोजित लोकगीत गायन प्रतियोगितामा  प्रथम, द्वितीय र तृतीय भएका सहभागीहरूलाई पुरस्कार प्रदान गरिएको थियो । कार्यक्रममा बिभिन्न संघसंगठन आवद्ध महिलाहरू लगायतकाले शुभकामना मन्तव्य राखे । कार्यक्रममा दुई सय भन्दा बढी महिलाहरूको उपस्थिति रहेको थियो ।