चन्दन यादब 
राजबिराज, ०५ भाद्र । सप्तरीको राजबिराज स्थित कुनौली मोडमा नवनिर्मित प्रहरी बिट र यात्रु प्रतीक्षालयको उद्घाटन गरिएको छ ।
राजबिराज -५ का समाजसेवी शिवनन्दन यादब (बैजु मुखिया) र श्रीमती रेखा यादबको सौजन्यमा निर्माण गरिएको प्रहरी बिट र प्रतिक्षालयको एक कार्यक्रम बिच सप्तरी प्रहरी प्रमुख नरेन्द्र कार्कीलाई हस्तान्तरण गरेका छन् ।
प्रहरीलाई ड्युटीमा सहयोग पुग्ने उद्देश्यले घाम र पानीको समयमा ड्युटी गर्न समस्या भएपछि सामाजिक दायित्व निर्वाह गर्दै प्रहरी बिट निर्माण गरिदिएको समाजसेवी रेखा यादबले बताइनँ ।
यसैगरी सर्वसाधारण यात्रुहरूलाई मध्यनजर गर्दै यात्रीहरूलाई बस्नका लागि यात्रु प्रतिक्षालय आवश्यकता देखिएकोले प्रहरी बिट सँगै यात्रु प्रतीक्षालय समेत निर्माण गरिएको समाजसेवी शिवनन्नद यादबले बताए ।
सो अवसरमा नवनिर्मित बिट र प्रतिक्षालयको समाजसेवी रेखा यादब र सप्तरी प्रहरी प्रमुख नरेन्द्र कार्कीले रिबन काटेर शुभआरम्भव गरेका थिए ।
उक्त अवसरमा जसपा जिल्ला अध्यक्ष केदार यादब, राजबिराज वडा नम्वर ५ का अध्यक्ष बन्धु दास, वडा २ का अध्यक्ष अरूण यादब, समाजसेवी हित नारायण लाल दास, सिटिजन बैंकका राजकुमार यादब, समाजसेवी शेरू खान लगायत सर्वसाधारणहरूको उपस्थिति रहेको थियो ।
नवनिर्मित प्रहरी बिट र प्रतिक्षालयले राजबिराज देखी कुनौली नाका, र हनुमाननगर तर्फ जाने सर्वसाधारणलाई सुरक्षा व्यवस्थामा सहयोग र यात्रुलाई प्रतीक्षालयबाट सर्वसाधारणलाई सेवालीन सहयोग पुग्ने बिश्वास लिएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |