राजविराजमा सालनाल सहित नवजात शिशु मृत फेला

राजविराज, १३ भाद्र ।  सप्तरीको राजविराजमा सालनाल सहितको नवजात शिशु मृत फेला परेको छ । राजबिराज-हनुमानगर सडक खण्ड अन्तर्गत  भलुवाही खोलामा छोरा जातको नवजात शिशु मृत फेला परेका हुन् ।

बुधबार बिहान भलुवाही पुल मुनी सालनालसहितको शिशु लाइ स्थानीयले देखेपछि प्रहरीलाई खबर गरेका थिए ।

शवलाई पोस्टमार्टमका लागि गजेन्द्र ना.सिह अस्पताल ल्याइएको जिल्ला प्रहरी कार्यालय सप्तरीले जानकारी दिए । यता घटनाबारे सूक्ष्म अनुसन्धान थालिएको जिल्ला प्रहरी कार्यालय सप्तरीका एसपी नरेन्द्र कुमार कार्कीले जनाएका छन् ।