सप्तरीमा बोराभित्र हालेको अवस्थामा पोखरीमा भेटियो पुरुषको शव

राजविराज । सप्तरीमा सडेगलेको अवस्थामा शव फेला परेको छ । खडक नगरपालिका वडा नं.११ बनौलीस्थित पोखरीमा शनिबार बिहान एकजना पुरुषको शव फेला परेको प्रहरीले जनाएको छ ।

स्थानीय रामप्रसाद यादवको घरछेउको पोखरीमा बोराभित्र सडेगलेको अवस्थामा तत्काल पहिचान हुन नसक्ने पुरुषको शव फेला परेको हो ।

जिल्ला प्रहरी कार्यालय सप्तरीका डीएसपी ढुण्डीराजका अनुसार कसैले हत्या गरी बोरामा हालेर पोखरीमा फालेको हुनसक्ने अनुमान गरिएको छ र घटना सम्बन्धी थप अनुसन्धान भैरहेको उनले बताए ।