राजगढमा शिक्षक दरबन्दी कट्टा गरेकाे भन्दै पालिकामा धर्ना

राजबिराज । सप्तरीको राजगढ गाउँपालिका ३ स्थित जनता शंकर माद्यमिक विद्यालयमा शिक्षक दरबन्दी कट्टा गरेकाे भन्दै अभिभावकहरूले फिर्ताकाे माँग गर्दै पालिका अगाडि धर्ना दिएका छन ।

साेमवार पालिका भवन अगाडि बिधालय जग्गा दाता रामचन्द्र यादबकाे नेतृत्वमा अभिभावकहरूले बिधालयमा शिक्षककाे अभाव रहेकाे अबस्थामा बिधालय ब्यबस्थापन समितिले बिधालयमा आर्थिक अनियमितता गर्न दरबन्दीका शिक्षक कट्टा गरेकाे आराेप लगाए ।

दरबन्दी कट्टा गर्न राजगढ गाउपालिकाका प्रमुख प्रशासकिय अधिकृत धिरेन्द्र कुमार यादब, विद्यालय ब्यबस्थापन समितिका अध्यक्ष बिरेन्द्र यादब सहितका केही सदस्य तथा शिक्षकको मिलोमतोमा दरबन्दी सहितकाे शिक्षक कट्टा गरेकाे अभिभावकहरूकाे अाराेप छ ।

बिधालयका बर्तमान निमित्त प्राधानाध्याक रबिन्द्र साहलाई दरबन्दी समेत कट्टा गर्ने गरी अन्यन्त्र सरुवा गर्ने षडयन्त्र गरिरहेकोले तत्काल रोक्नका लागि गाउँपालिका अध्यक्षलाई ध्यानाकर्षण पत्र बुझाउदा समेत सुनुवाइ नभएकोले पालिकामा धर्ना बसेकाे जग्गा दाता रामचन्द्रले बताए ।

बिधालय ब्यबस्थापन समितिका अध्यक्ष बिरेन्द्र यादबले बिधालयमा आफनो अनुकुल निमित्त प्राधानाध्यापक बनाउन र अनियमितता गर्न षडयन्त्र गरेकाे बिधालय ब्यबस्थापन समितिका सदस्य तथा दाता परिवारका सदस्य कपुर देवी यादबले अाराेप लगाईन ।

यता उच्च अदालत जनकपुर ईजलास राजबिराजको आदेश अनुसार विद्यालयमा ०८० बैशाख २७ गते देखि निमित प्रधानाध्यापक रबिन्द्र कुमार साह (मा.शि .द्वितीय) ले जिम्मेवारी पाएको जानकारी दिदै जग्गा दाता रामचन्द्रले हाल सम्म विद्यालयको खाता समेत खोल्न ब्यबस्थापन समितिले असहयोग गरेको कारण शैक्षिक अबस्था अस्तव्यस्त भएको आरोप लगाए ।

बर्तमान प्रधानाध्यापकलाई दरबन्दी समेत कट्टा गरि अन्यत्र पठाई आफू जिम्मेवारीमा आउने दाउमा रहेका पुर्व निमित प्रधानाध्यापक तथा नेपाल शिक्षक सँघ सप्तरीका अध्यक्ष समेत रहेका नारायण यादब (मा.शि.तृतिय) ले बरबुझारत समेत गराउन सहयोग नगरेकोले विद्यालय संचालनमा अप्ठयारो भएको विद्यालय प्रशासनले जनाएको छ ।

दश बर्ष लामो जिम्मेवारीमा रहेका तत्कालिन प्रधानाध्यापक नारायणले विद्यालयको जिम्मेवारी पाए देखि हालसम्मको कुनै किसिमको हरहिसाव नबुझाएको अभिभावकहरूले आरोप लगाएका छ्न ।

दरबन्दी अनुसार विद्यालयमा शिक्षक कमि रहेको अबस्थामा ब्यबस्थापन समिति र शिक्षकहरूको मिलोमतोमा भष्टाचार गरेको र दाताले दिएको जग्गा बेचेकोले सो सम्बन्धमा अख्तियारवाट छानबिन र अनुसन्धान कार्य समेत भईरहेको अभिभावकहरुले जानकारी दिए ।