भूषण सिहं 
राजविराज, ३० असोज । स्रोत नखुलेको झण्डै ८ लाख रुपैयाँसहित सप्तरीमा दुई जना युवती पक्राउ परेका छन् ।
सप्तरीको अग्निसाइर कृष्णासवरण गाउँपालिका वडा नम्बर २ बस्ने २७ वर्षीया सीमा भनिने सागर कुमारी चौधरी र सिरहाको लहान नगरपालिका वडा नम्बर १ बस्ने २६ बर्षिया चन्दा कुमारीको रहेको प्रहरीले जनाएको छ ।
पश्चिम बाट पुर्व तर्फ जाँदै गरेको प्र.१–०० ४८ प ३०९० नम्बरको स्कुटरमा सबार यी दुवैलाई रुपनी गाउँपालिका १ स्थित खाँडोपुलमा रोकेर चेकजाँच गर्दा स्कुटरको डिक्कीमा झोलाभित्र लुकाएर राखिएको रु. ७ लाख ५० हजार र स्कुटर चालक चौधरीले लगाएको ज्याकेटको खल्तीभित्र राखेको रु. ३६ हजार ५०० गरी जम्मा ७ लाख ८६ हजार ५ सय फेला परेको सप्तरी प्रहरीका प्रवक्ता एव डीएसपी ढुण्डीराज नेउपानेले जानकारी दिए ।
प्रहरीले पक्राउ परेकाहरुलाई आवश्यक अनुसन्धान गरिरहेको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |