खडक नगरपालिका बाल बिबाह मुक्त वडा घोषणा हुने

राजबिराज । खडक नगरपालिका वडा नम्बर ४ लाई बालविवाह मुक्त वडा घोषणा गरीए सँगै नगरपालिका वालविवाह मुक्त वडा घाेषणा हुने भएकाे छ ।

नगरकाे ११ वटै वडालाई बालविवाह मुक्त वडा घाेषणा सम्पन्न भईसकेकाेले एक कार्यक्रम बिच पुष १३ गते पुर्ण खडक नगरपालिकालाई वालविवाह मुक्त नगर घाेषणा गरिने भएकाे हाे।

नगर प्रमुख चौधरीले बालविवाह मुक्त घोषणा भएसंगै यहाँका अभिभावक, शिक्षक शिक्षिका, स्वास्थ्यकर्मी, आमा समूह लगायत सबै समाजसेवीको जिम्मेवारी थपिएकोले यसको निरन्तरताको लागी सबैले आ–आफनो तर्फबाट यो अभियान सफल बनाउन लाग्न आग्रह गर्नुभयो ।

वडा ४ का अध्यक्षले वडामा रहेको कुल ८ सय ५३ घरधुरी मध्ये वडामा गत वर्ष ५५ वटा बिवाह भएको बताए ।

उनले भने जसमा ८ जनाको १८ वर्ष पुरा गरेर , ५ जना १८ बर्षा मुनि एवं बॉकिको २० वर्ष पूरा गरेर विवाह गरेको प्रतिवेदन पेस गरेको थियो भने आगामी दिनमा वालविवाह भएको समातिएमा कानुन बमोजिम कारवाही गरीने छ ।

यस अभियानलाई सफ़ल वनाउन विभिन्न चरणमा विविध क्रियाकलापहरु सवल नेपाल संग मिलेर संचालन गरेको एवं वडावासीले वाल विबाह नगर्ने प्रतिवद्धता गरेको सुनिश्चितता पश्चात घोषणा गरीएको सबल नेपालका कार्यक्रम संयाेजक राेशन मण्डलले जानकारी दिए ।

वडा नं ४ का वडा अध्यक्ष श्री गंगाराम चौधरीको अध्यक्षतामा संचालित उक्त कार्यक्रमको प्रमुख अतिथि नगर प्रमुख जय प्रकाश चौधरी, उप प्रमुख कुमारी चौधरी रहेका थिए भने अन्य अतिथिमा नपाका प्रशासन प्रमुख रामाकान्त चौधरी, सेभ द चिल्ड्रेन का दिपक बुढाथोकी , सबल नेपाल अध्यक्ष जुना गिरि , महिला बालबालिका शाखा प्रमुख अनिता कुमारी साह , नगर बाल क्लब संजाल अध्यक्ष मन्जुला कुमारी साह जिल्ला बाल क्लब संजाल सलमा खतुन , सवल नेपालका कर्मचारीहरु , वडा सदस्य, विभिन्न विद्दालयका प्रअ, शिक्षक तथा विद्यार्थीहरु, राजनैतिककर्मी, स्थानीय संघसंस्था, बाल क्लब , वालक्लवका पदाधिकारीहरु, स्वयंसेविका लगायत स्थानीयहरुको उपस्थित रहेको थियो ।

उक्त समारोहमा वालकल्वका पदाधिकारीहरुद्वारा बालविवाह विरुद्ध जनचेतनामुलक नाटक तथा विभिन्न मनोरंजनात्मक झिझिया नृत्यहरु प्रस्तुत गरेका थिए भने घोषणा समारोह शुरु हुनु अगाडि विभिन्न विद्दालयहरुले र्यालीको आयोजना गरेको थियो ।

सेभ द चिल्ड्रेन र सबल नेपालको आर्थिक सहयोगमा संचालित सम्मुनति परीयोजना मार्फ़त नगरपालिकामा बालविवाह मुक्त अभियान संचालन भईरहेको छ ।

कुल ११ वडा मध्ये वडा ४ घोषणा भएकाेले ११ वटा मध्ये सम्पुर्ण वडा बालविबाह मुक्त वडा घोषणा भईसकेको छ ।