रुपनीमा सुकुम्बासीलाई जग्गाधनी निस्सा

राजबिराज । सप्तरीको रुपनी गाउँपालिकाले भुमिहिन सुकुम्बासीहरुलाई जग्गाको निस्सा वितरण गरिएको छ ।

भुमी आयोग जिल्ला समिति सप्तरीका अध्यक्ष हरेराम यादबले वडा नम्बर ४ का १ सय ४९ परिवार भुमिहिन दलितलाई बितरण गरिएकाे हाे।

रुपनी गाउँपालिका वडा नम्बर ४ का वडा अध्यक्ष छेदी इसरको अध्यक्षता तथा राष्ट्रिय आतिथ्य एवम् रुपनी गाउँपालिकाका अध्यक्ष दिनेश कुमार यादवको विशिष्ट आतिथ्यमा बुधबार आयोजित एक समारोहका विच निस्सा वितरण गरिएको हो ।

भुमिहिन दलित तथा भुमिहिन सुकुम्बासीलाई जग्गाको निस्सा वितरण गर्दै प्रमुख अतिथि यादवले जग्गाधनी प्रमाणपत्र वितरण प्रक्रिया छिटो अगाडि बढाउन स्थानीय जनप्रतिनिधिहरुलाई आग्रह गरे ।

आयोग भुमिहिनहरुलाई चाँडै जग्गा उपलब्ध गराउन आतुर रहेको बताउँदै अध्यक्ष यादवले बास्ताविक भुमिहिनहरुको पहिचान गरि जतिछिटो प्रक्रिया अगाडि बढाउन सके त्यही गतिमा जग्गाधनी पुर्जा वितरण गर्ने प्रतिबद्धता व्यक्त गरे ।

रुपनी गाउँपालिकाका अध्यक्ष दिनेश कुमार यादवले भुमिहिन दलित तथा भुमिहिन सुकुम्बासीहरुलाई जग्गाधनी पुर्जा वितरण कार्य अगाडि बढाउन सम्पुर्ण श्रोत साधनद्वारा सहयोग गर्न तत्पर रहेको बताए ।

उनले गाउँपालिकामा भुमि आगोगले सुरु गरेको अभियानमा कुनै किसिमको कमिकम्जोरी आउन नदिने प्रतिबद्धता व्यक्त गरे ।

सुकुम्बासीलाई जग्गा वितरण गर्ने कार्यलाई द्रुत गतिमा अगाडि बढाउन सबैवडाका अध्यक्षसहित जनप्रतिनिधिहरु र कर्मचारीहरुलाई आग्रह गर्दै उनलेे काम गर्ने सिलसिलामा कुनै समस्या आए समाधानतर्फ अग्रसर हुने प्रतिबद्धता व्यक्त गरे ।

वडा नम्बर ४ स्थित वडा कार्यालयमा आयोजित कार्यक्रममा प्रमुख अतिथि अध्यक्ष यादव, विशिष्ट अतिथि गाउँपालिका अध्यक्ष यादव, रुपनी गाउँपालिकाकी उपाध्यक्ष पुष्पा श्रेष्ठ लौगी, प्रमुख प्रमुख प्रशासकीय अधिकृत तारिणी प्रसाद यादव, वडा अध्यक्ष छेदी इसरलगायतले भुमिहिन दलित तथा भुमिहिन सुकुम्बासीलाई जग्गाको निस्सा वितरण गरे ।

कार्यक्रममा राष्ट्रिय भुमी आयोग जिल्ला समिति सप्तरीकी सदस्य अनार कुमारी चौधरी, नेकपा माओवादी केन्द्र रुपनी गाउँपालिका अध्यक्ष सिंहेश्वर साहलगायतले शुभकामना मन्तव्य व्यक्त गर्दै सुकुम्बासीलाई जग्गाधनी पुर्जा वितरण कार्यलाई प्रभावकारी रुपमा अगाडि बढाउनु पर्नेमा जोड दिए ।

रुपनी गाउँपालिका वडा नम्बर ४ का वडा सचिब विरेन्द्र मेहताद्वारा संचालित कार्यक्रममा स्वागत स्वास्थ्य चौकी छपकी भतौलका स्वास्थ्यकर्मी शिवजी यादवले गरे भने राष्ट्रिय भुमी अयोग सप्तरीका सदस्य हरिनारायण महतोले भुमी आयोगको काम,कर्तव्य र कार्यक्रमको  उदेश्यबारे प्रकाश पारे ।

रुपनी गाउँपालिका वडा नम्बर ४ द्वारा आयोजित कार्यक्रममा राष्ट्रिय भुमी आयोग रुपनी गाउँपालिका सेवाकेन्द्रका प्रमुख लालवावु राउत, नेपाल पत्रकार महासंघ प्रदेश परिषद सदस्य बृजमान तामाङ, पत्रकार नर्मदेव यादवलगायतका स्थानीय जनप्रतिनिधि, राजनीतिक दलका प्रतिनिधि तथा स्थानीय बुद्धिजीवीहरुको उपस्थिति रहेको थियो ।