सप्तरीमा टिपरको ठक्करबाट एक जनाको मृत्यु

सप्तरी ।   टिपरको ठक्करबाट एक जनाको मृत्यु भएको छ । बुधवार दिउसो पूर्वपश्चिम राजमार्ग अन्तर्गत सप्तरीको कन्चनरुप नगरपालिका १२ धरमपुरमा कन्चनरुप नगरपालिका ९ निवासी ५० वर्षीय अशोक साहको मृत्यु भएको छ ।

पश्चिमबाट पूर्वतर्फ आउँदै गरेको प्र २-०१-०० प ९६३४ नम्बरको  मोटरसाइकललाई विपरीत दिशाबाट आउँदै गरेको  क १ ख ८६३ नम्बरको टिपरले ठक्कर दिँदा साहको घटना स्थलमै मृत्यु भएको इलाका प्रहरी कार्यालय कन्चनपुरले जनाएको छ ।

मृत्यु भएको विरोधमा स्थानीयवासी र मृतकका आफन्तहरूले २ घण्टा रुपनगर चौकमा टायर बालेर सडक जाम गरि प्रदर्शन गरेका छन् ।  पीडितले उठाएको माग बमोजिम टिपर चालकलाई कडा कारबाही गर्ने र मृतक परिवारलाई उचित क्षतिपूर्ति उपलब्ध गराउने सहमतिपछि सडक अवरुद्ध खुलेको हो।