युवाको हकअधिकारलाई सशक्त बनाउन खडकमा युवा संजाल

राजबिराज । युवाहरूको हक अधिकारका लागि युवालाई सशक्त बनाई मूलधारमा ल्याउन खडक नगरपालिकामा पालिकास्तरीय युवा संजाल पुन गठन गरिएको छ । 

शनिवार खडक नगरपालिकाको कल्याणपुर स्थित खडक नगरपालिकाको समन्वय र सबल नेपालको आयोजना तथा युएसएआइडीको सहयोग नागरिक, समाज तथा संचार कार्यक्रम (युएसएड/सिएसएम) अन्तर्गत पालिकास्तरिय युवा संजाल पुन गठन गरिएको हो । 

गठित सञ्जालको अध्यक्षतामा प्रल्लाद चौधरी, उपाध्यक्षमा पार्वती चौधरी, सचिवमा रकीराज प्रभात चौधरी, सहचिवमा गुलसन परिवन, कोषाध्यक्षमा राजदेव पासवान रहेको छ । 

त्यस्तै सदस्यहरूमा शिवशंकर मण्डल, अर्जुन मण्डल, मनिष साह, दिपेन्द्र भगत, निरज साह, शंकर सहनी, मंजुला साह, सोनिया मण्डल, साजिद अख्तर शेख, निसु बिश्वकर्मा, दिपिका चौधरी र अंजली राम रहेका छन । 

गठित संजालले पालिकास्तरमा देखिएका युवा, महिला, दलित, सीमान्तकृत वर्गको आवाजलाई बढाउन तथा मुलधारमा ल्याउन र उनीहरूको समस्याहरूलाई पैरबी, वकालत मार्फत पहल गर्नका लागि युवा संजाल गठन गरिएको संजालका अध्यक्ष प्रल्लाद चौधरीले जानकारी दिए।

समुदायमा बेरोजगारी, बालविवाह, लागू औषध, स्वास्थ्य, लागू पदार्थ दुर्व्यसन , देहज प्रथा, समस्यालाई समाधान गर्नका लागि संजाललाई सशक्तीकरण, सक्रिय, बनाई अभियानको रूपमा परिचालन गरिने उद्देश्य गठन गरिएको सबल नेपाल नागरिक, समाज र संचार कार्यक्रम संयोजक शुभ नारायण भिणवार यादबले बताए । 

कार्यक्रममा सहभागी युवाहरूले बालकालिका र युवाहरूको सीप मूलक गुणस्तरीय शिक्षा, तालिमको अभाव कारण युवाहरू बेरोजगार भएको बताउँछन् । 

सीपमुलक रोजगारको व्यवस्था गर्नु, उद्योगको संचालन, लागू पदार्थ सम्बन्धी तालिमहरूको ब्यवस्था गर्नु, जनचेतना मूलक कार्यक्रमहरू संचालन गर्ने, गरिब, एकल महिलाहरूलाई समय समयमा सहयोग सँगै रोजगारको ब्यवस्था गर्ने जस्ता समस्याहरू समुदायमा रहेको युवा संजालका सदस्य सोनिया मण्डलले बताइनँ । 

पालिकास्तरीय दुई दिने युवा संजाल पुन गठन कार्यक्रममा एसिया फाउन्डेसनका रोशन कुमार झा, सबल नेपालका कार्यक्रम म्यानेजर शुभनारायण भिणवार यादब, सवनम यादब लगायतले सहजिकरण गरेका थिए ।