चन्दन यादब 
राजबिराज । सुरक्षित वैदेशिक रोजगारको सिलसिलामा ३ करोड ९२ लाख ८१ हजार ५ सय रुपैयाँ पीडितले क्षतिपुर्ति पाएको बताईएको छ ।
शुक्रवार राजबिराज नगरपालिकाको सुरक्षित आप्रवासन कार्यक्रम अन्तर्गत सञ्चारकर्मीहरू सँगको अन्तरक्रिया कार्यक्रम सो कुरा बताईएको हो ।
जिल्ला प्रशासन कार्यालय भित्र रहेको सुरक्षित आप्रवासन परियोजना अन्तर्गत आप्रवासी स्रोत केन्द्रमा आ.व २०८०/८१ मा ६ सय ३१ केश दर्ता मध्ये १ सय १८ जना नयाँ र पुरानो ३ सय ५४ गरी ४ सय ७२ वटा केश समाधान गरेको कार्यक्रम संयोजक राजेन्द्र यादबले जानकारी दिए ।
सुरक्षित आप्रवासन परियोजनाले सुचना तथा परामर्श सेवावाट देशिक रोजगारलाई सुरक्षित, मर्यादित बनाउन जिल्लाको राजबिराज नगरपालिका, कंचनरूप नगरपालिका, शंभुनाथ नगरपालिका, राजगढ गाउपालिका वाट सेवा दिइदै आएको संयोजक यादबले बताए । आप्रवासी स्रोत केन्द्रको तथ्यांक अनुसार आ.व २०८० मंसिर देखि ०८१ बैशाख सम्म अनुसार सप्तरीमा २१ जनाको मृत्यु भएको छ ।
त्यसैगरी वैदेशिक रोजगारको सिलसिलामा ठगी मा परेको ३८ काम फरक परेको ६६, असहज काम ४, स्वास्थ्य समस्या ३, जेल ४ जना, मेडिकल फेल १, सम्पर्क बिहिन ४, राहदानी र रकम फिर्ता २ सय ४०, रकम फिर्ता १ सय ७६, राहदानी फिर्ता २, उद्वार १५, बिमा मृत्यु १, र स्वास्थ्य बिमा दिलाउन सफल भएको कार्यक्रम संयोजक राजेन्द्र यादबले जानकारी दिए ।
आप्रवासी स्रोत केन्द्रहरू वाट सुचना प्रदान, सीप तालिम, न्यायमा पहुँच, मनोसामाजिक परामर्श र वित्तिय साक्षरता सम्बन्धी कार्यक्रम गर्दै आएको बताईएको छ । उक्त अवसरमा सामी र हेल्भेटास नेपालका अधिकृत रामप्रवेश मण्डलले स्थानीय स्तरमा रोजगारको पर्याप्त रोजगारको सृजना नहुदाँ सम्म वैदेशिक रोजगारमा जाने क्रम नरोकिएको बताए ।
उनले भने वैदेशिक रोजगारलाई सुरक्षित बनाउन सीप सिकेर विदेश जाँदा सीप अनुसारको काम, बढी तलब र सम्मान पाउने र श्रम स्वीकृति, भरपाई, कागजपत्रहरूको सुरक्षा गरेमा वैदेशिक यात्रा सफल हुने बताए । कार्यक्रम जिल्लाका विभिन्न संचार माध्यममा काम गर्ने अधिकारकर्मीहरूको सहभागिता रहेको थियो ।
अन्तरक्रियामा राजबिराज नगरपालिका प्रमुख प्रशासकीय अधिकृत बिष्णुप्रसाद गुरूगं, सामी परियोजनाका परामर्श कर्ता निता चौधरी, किसोरी शर्मा लगायतको उपस्थिति रहेको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |