प्रा.डा. यादबको बार्षिक पुण्य तिथिमा एसईईमा उत्कृष्ट अंक ल्याउने विद्यार्थीहरु पुरस्कृत

राजबिराज । महेन्द्र विन्देश्वरी बहुमुखी क्याम्पस,राजविराज (मबिव) का सह प्रा. डा. पंचदेव यादबको वार्षिक पुण्य तिथिको अवसरमा एसईई परीक्षा २०८० मा उत्कृष्ट अङ्क ल्याउने छात्रछात्रालाई पुरस्कृत गरेको छ । 

आइतबार ज्ञान ज्योती सेकेन्डरी बो. स्कुल द्वारा आयोजित वार्षिक पुण्य तिथिको अवसरमा सप्तरी भित्र का निजी तथा आवसिय बिधालय प्याब्सन अन्तर्गत एसईईमा उत्कृष्ट जिपिए ल्याउने छात्रछात्रालाई पुरस्कृत गरेको हो । 

पुरस्कृत हुनेमा सरस्वती शिशु सदन ई. वोडिंग स्कुल पोर्ताहाका सुश्री गङ्गा मण्डल जिपिए ९३.९१ , डेफोडिल वोडिंग स्कुल कंचनपुरका आनन्द गुप्ता जिपिए ३.८५ र आर्दश माध्यमिक बिधालय महुलीका राजेश चौधरी जिपिए ३.८४ लाई प्रशंसापत्र सँगै प्रथम हुने लाई नगद ५ हजार, दोस्रो हुनेलाई २ हजार ५ सय र तेस्रो हुने लाई १ हजार ५ सय सहित मेडेल समेत प्रदान गरेका थिए । 

सम्मानित हुने विद्यार्थीहरूलाई ज्ञान ज्योती बोडिंग स्कुलका संस्थापक तथा स्व यादबका पत्नी सुशिला देबी यादबले संयुक्त रूपमा प्रशंसापत्र तथा दोसल्ला ओढाएर सम्मान गरेका छन । 

उक्त अवसरमा मबिव क्याम्पसका अवकाश प्राप्त सह प्रा. डा. रामखेलावन यादबले स्व. यादबको जीवनी बारेमा प्रशंसा गर्दे सप्तरीको शिक्षाको मा पुर्याएको योगदानको बारेमा चर्चा गरेका थिए । 

सो अवसरमा प्रा.डा राजनारायण यादब, पुर्व प्राधानाध्यापक प्रदिप चौधरी, यादब सेवा समितिका महासचिव महेन्द्र प्रसाद यादब, प्याब्सन सप्तरीका अध्यक्ष अरूण देव, सल्लाहकार सुरेश कुमार यादब, स्व. यादबको छोरी डा. बिजयलता यादब, लगायतले शिक्षाको विकास र समाजको परिवर्तनमा अतुलनीय भुमिको प्रशंसा गरेका थिए । 

कार्यक्रममा प्याब्सन सप्तरीका अध्यक्ष अरूण देव, प्याब्सनका पूर्व केन्द्रीय सदस्य निर्जला कोईराला, जिल्ला उपाध्यक्ष देवकान्त चौधरी, सहसचिव अरबेन्द्र कुमार यादब, कोषाध्यक्ष हरेराम साह, सल्लाहकार सुरेश कुमार यादब, डेफोडिल स्कुल कंचनपुरका संस्थापक नागेन्द्र श्रेष्ठ लगायतको उपस्थिति रहेको थियो । 

स्व प्रा.डा यादब मबिव क्याम्पसका गणित विषयको सह प्रा.को रूपमा विगत ३३ वर्ष देखि कार्यरत थिए । साथै उनी निजी आवासीय बिधालय (प्याबसन) का पूर्व अध्यक्ष सहित मैथिली साहित्य परिषद तथा विभिन्न सामाजिक सङ्घसंस्था सँग आबध रहेका थिए । डा. यादबको गत बर्ष मोटरसाइकल दुर्घटनामा परि निधन भएको थियो । स्व. प्रा.डा यादबको चार छोराछोरी छन । डा. देवेश यादब, डा. बिजयलता यादब, स्वर्ण ज्योती यादब, दिब्या लक्ष्मी रहेका छन् ।