भूषण सिहं 
राजविराज । सप्तरीमा दुई वटा मोटरसाइकल एकापसमा ठोक्किएर भएको दुर्घटनामा एक जनाको मृत्यु भएको छ ।
हनुमाननगर कङ्कालिनी नगरपालिका-५ स्थित कोसी बाँधमा भारदह बाट हनुमाननगरतर्फ आइरहेको स. २ प. ७२९६ नम्बरको मोटरसाइकल र को. ३४ प. ५४५९ नम्बरको मोटरसाइकल शनिबार बिहान १०:४५ बजेको समयमा एकापसमा ठोक्किएका थिए ।
सो दुर्घटनामा स २ प ७२९६ नम्बरको मोटरसाइकल चालक राजविराज नगरपालिका-१५ का ५२ वर्षीय विनोदकुमार साहको घटनास्थलमै मृत्यु भएको जिल्ला प्रहरी कार्यालय सप्तरीले जनाएको छ ।
अर्को मोटरसाइकल चालकको पहिचान नखुलेको र घाइते अवस्थामा भारदह तर्फ गएको सुचना प्राप्त भएको प्रहरीले जनाए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |