कोशी व्यारेजमा यात्रुबाहक बस खस्यो

राजविराज । सप्तरीको हनुमाननगर कंकालिनी नगरपालिकास्थित कोशी नदीमा एक यात्रुबाहक बस खसेको छ ।

पूर्वबाट पश्चिमतर्फ आउँदै गरेको को १ ख ४६०१ नम्बरको नर्सिङ डिलक्स बस कोशी ब्यारेजको ३६ नम्बर ढोकाबाट नदीमा खसेको हो । 

बसमा १७ जना यात्रु सबार रहेको बताइएको छ । सबार सबै यात्रुलाई स्थानीयले उद्धार गरेका छन् । ढोकामा पानी कम रहेकाले बस खसे लगत्तै पुगेको स्थानीयले बसको सिसा फुटाएर सबैलाई बाहिर निकालेका छन् ।

बस आफैं अनियन्त्रित भएर पुलको बार भत्काउँदै नदीमा खसेको र यस विषयमा थप अनुसन्धान भइरहेको प्रहरीले जनाएको छ ।