राजबिराजबाट हराइरहेका बालक मृत अवस्थामा फेला

राजविराज । सप्तरीको राजविराजमा हिजोदेखि हराएको ८ वर्षीय बालक मृत अवस्थामा फेला परेको छ । राजविराज नगरपालिका वड नम्बर- ८ का ८ वर्षीय बालक प्रिन्स  साहको शब फेला परेको हो । 

शनिबार विहान स्थानीय युवा तथा प्रहरीले खोजी तलास गर्दा बिहान उनको शव नालामा भेटाएको हो ।

स्थानीयका अनुसार शुक्रबार बेलुका प्रहरी तालिम केन्द्र राजविराज छेउमा माछा मार्दै गरेको प्रिन्स बेलुकादेखि सम्पर्क विहिन भएको थियो। त्यसपछि उनको खोजि सुरु गरिएको थियो ‌।

यता मृतक बालकको शब पोष्टमार्टमका लागि राजविराज स्थित गजेन्द्रनारायण सिह अस्पताल पठाइएको तथा घटनाको थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।