मविब क्याम्पसका प्रमुख डा. कर्णले पदभार ग्रहण गरे

राजबिराज । महेन्द्र विन्देश्वरी बहुमुखी (मविब) क्याम्पस राजबिराजको नवनियुक्त क्याम्पस प्रमुख सहप्राध्यापक डा. सुशिलचन्द्र कर्णले पदभार ग्रहण गरेको छ ।

मङ्गलवार मबिव क्याम्पस राजबिराजमा एक कार्यक्रम बिच कर्णले पदभार ग्रहण गरेको हो । विश्वविद्यालयको उपकुलपति कार्यालयको चैत १३ गतेको कार्यकारिणी परिषदको  निर्णय अनुसार कर्णलाई नियुक्त गरेको थियो । प्रमुख कर्ण गणित विषयका सहप्राध्यापक को रूपमा लामो समय देखि अध्यापन गर्दै आएको छ ।

तत्कालीन क्याम्पस प्रमुख राजिवकुमार मिश्रको पदावधि माघ २८ गते समाप्त भएदेखि क्याम्पस प्रमुख पद रिक्त रहेको थियो । यस अघि निमित क्याम्पस प्रमुखको जिम्मेवारी रामअशिष यादवले गरेका थिए । कर्णले आज चैत १४ गते बिहीवार पदभार ग्रहण गरेपछि क्याम्पसको शैक्षिक वातावरण सुधार गर्दै पठान पाठन नियमित गराउने प्रतिबद्धता जनाए ।

उक्त अवसरमा क्याम्पसका प्राध्यापक, कर्मचारी तथा विद्यार्थीहरूले नवनियुक्त क्याम्पस प्रमुखलाई फूलमाला, अबिर लगाई स्वागत गरेका थिए ।