माछा हटिया बाटो निर्माण कार्यको शिलान्यास

राजबिराज । राजबिराज नगरपालिका स्थित गजेन्द्र चौक देखि पूर्व माछा हटिया जोडने बाटो को निर्माण कार्यको शुक्रवार शिलान्यास गरिएको छ ।

राजबिराज नगरपालिका  कावा नगर प्रमुख ईसरत परविन, वडा ३ का अध्यक्ष अनिल कुमार दास, वडा ४ अध्यक्ष दिनेश कसेरा र वडा सदस्य सुभास साहले संयुक्त रूपमा बाटो निर्माण कार्यको शिलान्यास गरिएको हो ।

गजेन्द्र चौक देखि माछा हटिया हुँदै नयाँ बस पार्क जोडने वैकल्पिक बाटो वर्षौ देखी जीर्ण रहेको थियो । बाटो निर्माणले राजबिराजको मुख्य गजेन्द्र चौक हुँदै बजार जोडने एक मात्र वैकल्पिक सडक निर्माणले हजारौं स्थानीयवासीहरूले लाभान्वित हुने छ ।

वर्षौ देखि जीर्ण बाटो लाई निर्माण गर्न राजबिराज नगरपालिका कार्यालय र वडा कार्यालय ३ र ४ को सहयोगमा कुल ४० लाखको बजेटमा निर्माण गर्न लागेको वडा अध्यक्ष दिनेश कुमार कसेराले बताए ।

उक्त बाटो निर्माण कार्य गर्न राजबिराज वडा ३ र ४ को स्थानीय उपभोक्ताहरूको सहभागितामा उपभोक्ता समिति मार्फत निर्माण कार्य गर्न लागेको उपभोक्ता समितिका अध्यक्ष समिम अन्सारीले जानकारी दिए । अध्यक्ष अन्सारीले उक्त आयोजना जेष्ठको मसान्त भित्र सम्पन्न गर्ने सम्झौता भएको बताए ।